一年一度的高級視聽展又舉行了，今年有一樣好唔同的地方就是展覽的「地方」，雖然一樣是灣仔會展，不過就由以往的 3 樓搬上了 5 樓 Hall 5。場地不同了，格局都有不少改動，搞到阿熾剛剛到場開始行的時候都有少少唔慣，不過由 5 樓行落 4 樓再到 2 樓又幾順路。今年依然有唔少新品趁展會亮相，不過影音示範就較往年少，但其中有幾個好值得推介畀大家一試，不過為了保證試聽、試睇質素，好多都限了每節人數，想親身體驗一下的話就要趁早排定隊了。
一年一度的高級視聽展又舉行了，今年有一樣好唔同的地方就是展覽的「地方」，雖然一樣是灣仔會展，不過就由以往的 3 樓搬上了 5 樓 Hall 5。場地不同了，格局都有不少改動，搞到阿熾剛剛到場開始行的時候都有少少唔慣，不過由 5 樓行落 4 樓再到 2 樓又幾順路。今年依然有唔少新品趁展會亮相，不過影音示範就較往年少，但其中有幾個好值得推介畀大家一試，不過為了保證試聽、試睇質素，好多都限了每節人數，想親身體驗一下的話就要趁早排定隊了。
今年 AV Show 都見到有唔少新產品，包括 Polk Audio 旗艦的 Legend 系列喇叭、改由日本製造的 Classé 擴音機、Audio-Technica AT-LP60XBT 藍牙黑膠唱盤、LUXMAN SQ-N150 膽機等等。不過真正有駁好示範的新產品就唔算多，當中最有驚喜的可算是 Sennheiser 推出的「AMBEO」Dolby Atmos Soundbar，配備 13 組單元、內置超低音、可以輸出 5.1.4 音效，現場試聽效果好出色，在臨時搭建的展房都呈現到完整的天花聲道效果及環繞聲效；另一個就是 Sony 的 8K 電視 Z9G，8K 大家都聽過吓，但真正有得現場試效果又會係點？大家不妨親自體驗一下。此外還有通利琴行搭建的 7.2.4，配備全球首創的 Surround:AI 智能環繞聲技術的家庭影院示範，用上全新艦旗前後級 CX-A5200 以及 MX-A5200，另外，旗艦黑膠唱盤 GT-5000 配合 NS-5000 喇叭的兩聲道示範都好吸引。
會場入面最熱鬧除了幾個示範房之外，還有耳機展區，以及當然唔少得軟件區。無論 CD、黑膠或者影碟等都有不少優惠，而且最難得係一個場就可以行晒睇晒，所以基本上由朝早一開場就已經人頭湧湧，大家記得入場都一定要去最左邊幾行軟件區行吓，支持吓實體碟。另外，硬件方面都有唔少會場優惠，例如 Marantz SA-10、PM-10 都有特價，更會送價值 $7,500 電源線；Denon AVR-X4500H 特價兼送 Polk PSW111 超低音；Yamaha YSP-1600、YAS-109 及 WXAD-10 串流 adapter、NS-SW050 超低音都有組合特價；拖板、釘腳、線材等等配件更加好多都有特價甚至半價，要添置「補品」的朋友就唔好錯過喇。
日期：2019 年 8 月 9 至 11 日（星期五至日）
時間：8 月 9 至 10 日（10:00 - 20:00）、8 月 11 日（10:00 - 18:00）
地點：香港灣仔會議展覽中心
門票：$90（附送 SACD / CD 雙層碟一張）
購票地點：會議展覽中心舊翼 Hall 5 發售
緊貼最新資訊，請關注 SPILL 的 Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。
