如果大家年紀夠大，應該記得喺《鐵達尼號》（Titanic）橫掃全球嘅前一年，《天煞地球反擊戰》（Independence Day）聲勢都相當厲害，不單只係 1996 年全球票房冠軍，當時票房亦只僅次於 1993 年的《侏羅紀公園》（Jurassic Park），非常厲害。事隔 20 年，續集《天煞地球反擊戰：復甦紀元》（Independence Day: Resurgence）無啦啦彈出嚟，準備於 6 月 24 日上映，而在此之前，首集亦將會在大銀幕重映，未睇過這部經典的朋友不妨留意了。

想重溫《天煞地球反擊戰》這部當年荷里活最勁的科幻災難片，要記低 6 月 19 日呢個日子，因為只映一天。票價屬震撼價，賀電影 20 周年，戲票也只賣 $20 一張，的確好抵。

雖然是重映，但放映的戲院也不少，包括：百老匯 The One、The Sky、Grand Windsor、又一城 Festival Grand Cinema、MCL 德福、The Grand、UA 太古城中心、Cinema City 朗豪坊，實際放映時間就要留意返各大院線網站了。

如果嫌戲院太逼人，其實最近《天煞地球反擊戰》都出咗藍光碟，仲有齊原裝戲院版同加長版，特別收錄亦是全新拍攝。假若最近手緊，冇錢買碟又冇錢入戲院，嚟緊星期六（6 月 18日）明珠台 9 點 30 分亦會重播這部經典，坐定定喺屋企睇又得。