太古康怡 MX4D 動感影院開幕 噴水、吹風、閃電、狂震睇《攻殼》

港島區戲院又多返選擇，經過半年裝修，太古的康怡 MCL 戲院終於重開，而且更引入全港首個 MX4D 動感影院，除了震動座椅之外，仲有掃頸、戳背、噴水、噴氣、掃腳等共 11 種配合電影場景的特效，相當過癮。筆者今次就有機會試睇 MX4D 的 3D 版《攻殼機動隊》，部分場景真係似機動遊戲結合 VR，值得一試。

5 影院包括 2 間 Atmos 及 1 間 MX4D

重新開張的太古康怡戲院命名為「GRAND KORNHILL CINEMA」，一共有 5 間影院、提供 706 劇院式階梯設計座位。當中 2、3 院採用了 Dolby Atmos 音效、配合 Sony 的 4K 投影系統，而 4 號院則是 MX4D 影院，1、4、5 號院都是採用 Dolby 7.1 聲效。當中 5 號院的「Kids Cinema」設計亦相當特別，環境設計色彩豐富，而且部分合家歡電影放映的時候亦會適量將環境燈光調亮、音響強度降低，更加適合一家大細、包括小朋友收看。

港島區戲院又多返選擇，經過半年裝修，太古的康怡 MCL 戲院終於重開，而且更引入全港首個 MX4D 動感影院，除了震動座椅之外，仲有掃頸、戳背、噴水、噴氣、掃腳等共 11 種配合電影場景的特效，相當過癮。筆者今次就有機會試睇 MX4D 的 3D 版《攻殼機動隊》，部分場景真係似機動遊戲結合 VR，值得一試。

新康怡戲院分 5 個院，2、3 院採用了 Dolby Atmos 音效、配合 Sony 的 4K 投影系統，而 4 號院則是 MX4D 影院，1、4、5 號院都是採用 Dolby 7.1 聲效。

第 4 院是 MX4D 影院，票價由 $145（2D）到 $160（3D）。

MX4D 影院共有 119 個座位，全個戲院則有 706 個座位。

除了座椅有震動、搖動之外，椅背仲有戳背、掃頸的效果，睇恐怖片一流。

扶手位就有噴氣、噴水的出口位。

每個座位都有緊急停止掣，一按就會將成排座椅的搖動等特效全部停止。

座椅下面則有掃腳的動效。

《攻殼》MX4D 初體驗：有機動遊戲 5、6 成效果！

MX4D 影院的座椅搖動幅度相當大，可算是筆者試過的動感影院入面最誇張的一間。試睇最新的《攻殼機動隊》真人電影，真係有少少玩緊機動遊戲的感覺。同迪士尼、海洋公園、環球片場的一些 4D 體驗幾似，做到大約 5、6 成效果。部分鏡頭在城市穿梭的場景，配合座椅的搖擺，真係有玩緊虛擬實景的感覺。另外一些在水中飄浮的場景，配合座椅的慢慢後仰，令人覺得有如空中懸浮，相當特別。

11 種特效包括震動、噴水、掃頸、煙霧等。

煙霧機在整個戲院的前方，中前排先可以感受到煙霧彌漫的效果。

2、3 號院採用了 Dolby Atmos 系統，配合 Sony 的 4K 影院投影。

第 5 院的「Kids Cinema」設計，顏色豐富，特定場次仲會減輕影院音響效果，令小朋友都啱睇。

影院何處尋 + MX4D 靚位推薦

如果之前無去過康怡 MCL 戲院的話，第一次去可能會有少少難搵。最方便的路線是太古地鐵站 C 出口，經過 AEON 上 4 樓就到。至於想睇 MX4D 的話，建議揀位可以揀戲院中間或者中間偏前。平時睇戲最靚位係中間偏後，不過睇 MX4D 就會變得視覺包圍感唔夠，無嗰種「VR」的效果。不過 $145（2D）和 $160（3D）的 MX4D 票價有少少貴，不過體感效果好突出、幾特別，值得一試，而普通場次票價就係 $50 至 $95 不等。