Netflix 進軍香港之後，讓大家睇戲、睇劇都多了選擇。不過串流播放雖然方便，但就相當耗費流動數據用量，而且遇著訊號接收欠佳，又會出現播放不流暢的情況。為了更方便用家，Netflix 剛剛就宣佈新增「下載功能」，讓用家可以預先將想睇的劇集儲存到手機、平板等裝置，方便之後無網絡連接一樣睇到。

不過要注意，並非所有 Netflix 上的影片都可提供下載，如果大家想返工放工、省流量煲劇的話，可以在 Netflix 選單中選取「可供下載」，然後再瀏覽或者搜尋影片。現時《勁爆女子監獄》（Orange is The New Black）、《毒梟》（Narcos）以及《王冠》（The Crown）等熱播劇集都已經有得下載。

手機或平板需要 iOS 8.0 或以上版本，Android 則需要 4.4.2 或以上版本，如果大家已經裝了 Netflix App 的話就記得要更新到最新版本。App 內可以設定下載影片的畫質，可選「標準」或「較高」，下載和串流用到的數據量差不多，大家可以在出街之前用 Wi-Fi 環境先下載想睇的影片。

緊貼最新資訊，請關注 SPILL 的 Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。