不經不覺，Netflix 登陸香港原來已經有一年幾的時間。不過香港 Netflix 初期影片選擇其實較歐美等地區少好多，又要搞 IP、又要翻牆先睇到心儀節目，不少朋友都覺得麻煩而放棄。經過一年多的發展，香港 Netflix 的影片已經愈來愈豐富，《紙牌屋》、《夜魔俠》等熱門劇集全部都有，今次就同大家介紹一下究竟 Netflix 仲有咩吸引的劇集可以睇。

延伸閱讀：善用選單分類發掘　你未必知道的 Netflix 好戲選擇

大熱節目囊括美劇半壁江山

其實一開 Netflix，主選單就可以見到一系列熱播劇集，包括美劇、英劇，甚至少量亞洲劇集。由《新世紀福爾摩斯》、《綠箭俠》、《夜魔俠》、《葛咸城》到《勁爆女子監獄》、《黑鏡》等等近期熱播的劇集都可以見到，可以話近年見到的熱播美劇、受歡迎的劇集，接近一半都可以在 Netflix 找到。當中除了 Netflix 自家製作的劇集之外，還有「外購」版權的劇集，題材亦相當豐富，超能英雄、懸疑驚慄、劇情人性等等都有齊，對不同偏好的觀眾都照顧得到。雖然同歐美版的 Netflix 仲爭少少，不過差距已經大幅收窄。

已完結經典劇集慢慢煲

除了上面仍在「連載」中的劇集，已經完結的劇集亦都相當精彩豐富。醫療題材的 8 季長劇《豪斯醫生》、近年評價最高的其中一套美劇《絕命毒師》，仲有大家都耳熟能詳的《色慾都市》、集色情與暴力於一身的《Spartacus》、驚慄血腥的《嗜血法醫》、《英國恐怖故事》，之前無留意的話，可能都不知道 Netflix 的影片載已經有咁多選擇。甚至連動畫劇集原來都有不少，《亞人》、《死神》、《銀魂》、《浪客劍心》、《妖怪手錶》、《蟲師》、《飛輪少年》等較為受歡迎的幾套都有。

Netflix 原創劇數量多、無限期任睇

Netflix 一直提供影片串流、租碟服務，不過在 2011 年就開始自己製作節目，相當受歡迎的美國政治劇《紙牌屋》就是 Netflix 首套原創劇集，其後自製劇目愈來愈多，《河谷鎮》、《指定倖存者》、《深夜食堂》、《超感 8 人組》、《時空旅行者》、《馬可波羅》、《羅馬帝國》、《狙擊生死線》，包括最新的《漫威鐵拳俠》，不少都叫好叫座，而且部分題材亦幾新穎。由於版權問題，Netflix 平台上部分的「外購」劇，例如只購有一年或者幾年的版權的話，有機會擺一段時間就下架，不過一系列自製劇集就不會有這種情況，可以無限期任睇。

請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。