升級設備 + 貼地票價 UA 淘大 8 月 30 日正式開幕

位於九龍灣淘大商場的 UA 淘大（UA Amoy）將於 8 月 30 日隆重開幕，代替了 3 個月前結業的影藝，九龍灣的居民又多返一個平民化的睇戲選擇。UA 淘大已經是 UA 院線今年第二家新戲院，共設有 3 間影廳，提供超過 600 個座位，毗鄰的十字冰室也會於同日開幕，將會提供多款 UA 淘大限定冰室食品，大家更可以帶指定冰室食物進場睇戲，包括蝦多士、燒髀等等。開幕初戲院設有試業價，普通時段 2D 電影成人票價港幣 $50 起，票價可以話係全觀塘、九龍灣區最低。

3 影廳採用 Barco 4K 鐳射投影

和之前相比，UA 淘大的設備可說是全面升級，3 個影廳全部採用了 Barco 4K 鐳射投映機，可以提供到足夠亮度而且細緻清晰的畫面。另外，1 號院更加配備了杜比全景聲 Dolby Atmos 環繞聲系統，有更強的包圍感和立體感。至於環境設計方面以型格黑色作為主調，配以白色雲石牆身，睇得出落了不少功夫。戲院大堂特別增設了多用途活動室，配置投影機、音響、遊戲機及桌上遊戲等設備，可供包場作聚會或派對。另外，由開幕日至 12 月 31 日，影迷可以試業價體驗 UA 淘大全新設備，平日晚上成人 2D 票價低至港幣 $60，星期二更只是港幣 $50，平日學生 2D 戲票則為港幣 $45，可以話延續了之前影藝的貼地票價。

位於九龍灣淘大商場的 UA 淘大（UA Amoy）將於 8 月 30 日隆重開幕，代替了 3 個月前結業的影藝，九龍灣的居民又多返一個平民化的睇戲選擇。UA 淘大已經是 UA 院線今年第二家新戲院，共設有 3 間影廳，提供超過 600 個座位，毗鄰的十字冰室也會於同日開幕，將會提供多款 UA 淘大限定冰室食品，大家更可以帶指定冰室食物進場睇戲，包括蝦多士、燒髀等等。開幕初戲院設有試業價，普通時段 2D 電影成人票價港幣 $50 起，票價可以話係全觀塘、九龍灣區最低。

UA 淘大設有 3 個影廳，提供超過 600 個座位。

1、2 號院設於地下，1 號院就配備了 Dolby Atmos 聲效系統。

3 個影廳都升級了 Barco 的 4K 鐳射投影。

影院開幕這段時間會有 8 折入會、快閃巡遊、免費爆谷等不同優惠。

最大的 3 號院就設於 3 樓。

大部分的座檯前面都設有 USB 充電插口，就算無的話都可以用 $100 按金在前台借用尿袋。

UA 淘大也是 UA 首間採用 E-Admission 系統的戲院，網絡買飛之後就可以利用 QR Code「嘟」電子飛入場。

地下設有一個小型活動室可供租用，包場聚會、派對、打機等等都可以。

特別增設了較多的自助售票機，方便買飛不用排長龍。

邊嘆本地小食邊睇戲

今次新戲院其中一個最大特色就是「食」，平時大家入戲院都係爆谷、汽水，UA 淘大就首度與十字冰室合作，推出一系列獨家限定美食，包括黑椒蜜糖巨人燒髀、脆脆爆谷新地樂等，都可以拎入戲院邊睇戲邊食。大家也可以在售票處對面的十字冰室內用餐，餐廳提供了 42 個座位，採用了懷舊設計，幾有心思，好適合用來「打卡」，而開幕初期，爆谷、熱狗等小食都設有優惠價。