年初一:熱鬧先決
《勝利號》(Netflix)
華人過新年最重氣氛,最緊要熱熱鬧鬧夠 noisy,睇返啲打到嘭嘭聲嘅動作片就最適合不過!原定去年中秋檔期上畫,男神宋仲基擔正,號稱韓國首部太空動作片嘅《勝利號》,片長兩小時就打足兩小時,媲美荷里活 A 級製作嘅視覺及動作特技,太空船橫衝直撞地球軌道殖民星,好比超大型主題公園遊戲;三個 losers 加古惑機械人的主角人設,又有《銀河守護隊》的影子,配上一大堆耳熟能祥的世界觀,和見慣見熟的科幻美指,爽度十足,可謂 no-brainer 首選。不要對故事有期望,這類商業爽片亦不想你對它有非份之想,總之爽完,開開心心就足夠。