此電郵之前已成功登記!
你已成功訂閱 Spill Paper!
Follow Us

辛丹斯電影節 Midnight 環節搬到香港 4 部核突怪雞片刺激觀眾感官

2017年04月27日

香港國際電影節剛剛完滿結束,瘋狂影迷可能會若有所失,為收工原來要返屋企而感到空虛。不過,香港無乜嘢多,除了人多,就是電影節多。早兩年「辛丹斯電影節」已經開始搞「香港版」,年初在美國首映的佳作,秋季左右香港就睇得到。「香港版」其實只是整個影展的冰山一角,今年連「Midnight」環節都搬埋過嚟,對影迷而言可以話係又一盛事。

香港無乜嘢多,除了人多,就是電影節多。早兩年「辛丹斯電影節」已經開始搞「香港版」,但也只是整個影展的冰山一角,今年連「Midnight」環節都搬埋過嚟,對影迷而言可以話係又一盛事。
《瑜珈妹豬大戰納粹香腸》

好多電影節都有「Midnight」環節,頂尖兼嚴肅如康城影展都有,香港國際電影節也有一個「我愛午夜長」的環節,深受大眾歡迎。「Midnight」環節選映的作品,一般都在午夜子夜深夜放,過了需要家長指引的時段,內容題材一般都較大膽,可以是驚悚恐怖核突情色,很多人愛挑戰自己,睇「Midnight」環節的戲某程度上也是一種挑戰。

這次選來的 4 部電影都曾在 2016 年的辛丹斯電影節「Midnight」環節放映,雖然未新鮮滾熱辣到是 2017 年的片單,但全部未在港上映過,而且都是有口皆碑的作品,可能幾個奇詭鏡頭,就足夠影迷興奮到瞓唔著。

香港無乜嘢多,除了人多,就是電影節多。早兩年「辛丹斯電影節」已經開始搞「香港版」,但也只是整個影展的冰山一角,今年連「Midnight」環節都搬埋過嚟,對影迷而言可以話係又一盛事。
《德黑蘭魅影》

熟悉「Cult 片」的朋友,可能對《瑜珈妹豬大戰納粹香腸》(Yoga Hosers)最感興趣,齋睇片名就知係騎呢之作。導演 Kevin Smith 廿幾年前就憑《便利店氹氹轉》(Clerks)與《猜情尋》(Chasing Amy)揚名,無睇過呢兩部戲唔好同人講你係 Cult 片專家。新作《瑜珈妹豬大戰納粹香腸》繼續怪雞,講兩個同名少女以瑜珈絕技打壞蛋,值得一提的是,這兩名少女分別由 Kevin Smith 的女兒和 Johnny Depp 的女兒飾演,都是 17 歲青春少艾,老豆咁巴閉,會否演得特別放?

另一部不得不提的是《德黑蘭魅影》(Under the Shadow),在今年的英國電影大獎(BAFTA)拿了「最佳英國首作」獎,同時亦代表英國出戰奧斯卡角逐最佳外語片,甚有來頭。故事背景設於 1988 年兩伊戰爭期間,德黑蘭飽受戰火摧殘,表面上好似好政治,但其實慢慢會變成靈異故事,怪異事件接二連三出現!以這樣的手法講戰爭如何令人精神繃緊,可謂創意非凡。

香港無乜嘢多,除了人多,就是電影節多。早兩年「辛丹斯電影節」已經開始搞「香港版」,但也只是整個影展的冰山一角,今年連「Midnight」環節都搬埋過嚟,對影迷而言可以話係又一盛事。
《暗中作嚇》

另外兩部《暗中作嚇》(The Blackout Experiements)和《油淋淋殺人狂》(The Greasy Strangler),一部驚嚇一部血腥,後者更被美國《滾石》雜誌選為 2016 年最核突電影,睇你夠唔夠膽挑戰!

4 部電影將會於 5 月 26 日至 8 月 11 日期間,逢星期五「Sundance Friday」輪流於星影匯放映,每部戲各有 3 場,不過放映時間其實係 9:50p.m. 而不是午夜(吓!),詳情可按此或瀏覽官方 facebook 專頁

香港無乜嘢多,除了人多,就是電影節多。早兩年「辛丹斯電影節」已經開始搞「香港版」,但也只是整個影展的冰山一角,今年連「Midnight」環節都搬埋過嚟,對影迷而言可以話係又一盛事。
《油淋淋殺人狂》

緊貼最新資訊,請讚好 SPILL Facebook 專頁

你可能感興趣的文章