X-mini 的藍牙喇叭真係愈做愈「mini」，之前推出的 X-mini We 已經夠細，今次推出的 X-mini Click 就再細一個碼。X-mini 的喇叭出名機細音量大，究竟今次直徑只有兩隻手指公咁大的 X-mini Click 又可唔可以延續這個傳統呢？今次就同大家試下。
X-mini 的藍牙喇叭真係愈做愈「mini」，之前推出的 X-mini We 已經夠細，今次推出的 X-mini Click 就再細一個碼。X-mini 的喇叭出名機細音量大，究竟今次直徑只有兩隻手指公咁大的 X-mini Click 又可唔可以延續這個傳統呢？今次就同大家試下。
X-mini Click 體積只有 36 × 41.6mm，只係比一個水樽蓋大少少，提供了 2W 的輸出，金屬的外殼夠硬淨之餘依然極之輕巧。通過藍牙 3.0 連接手機播歌，支援藍牙音效的電腦、平板當然都用得，不過由喇叭附送一個有 3.5mm 端子塞的扣帶，就可以睇出 X-mini Click 主要係配合手機使用，彌補大部分手機音量不足、內置喇叭音效一般的缺點。喇叭本身亦內置收音咪，可以當 hand-free 使用。
X-mini Click 以 microUSB 插頭充電，附送一條超短身的 USB 線方便攜帶。電量最多可以用 6 小時，不過若開到最大聲計算，實際上就只可以播到 3 小時。機身細了，難免要減少部分功能，例如今次就不設 X-mini We 上面的 NFC 自動配對、亦無法通過轉接線駁落 3.5mm 輸出的裝置使用，只得藍牙一個接駁方式。不過就加入了一個遙控快門功能，藍牙連接之後再開啟手機上的相機 App，就可以用喇叭上的開關掣一「Click」影相。
用 LG G5 連接 X-mini Click 播放 Spotify，雖然已經有心理準備，不過音量仲係比預期中稍稍大聲。由於喇叭上不設音量調節，全靠手機調校，最大聲足夠一個 100 呎的空間使用。實際上等於兩倍至三倍手機本身喇叭的音量，中細房、五六十呎用的話綽綽有餘。但係由於調細兩三格音量，喇叭輸出立即細好多，所以最大音量亦都係常用音量。值得一提的是，筆者試過用 Surface Pro 的藍牙連接播歌，即使 Spotify 同電腦音量都開到最大，X-mini Click 的音量同手機播放時都仲係爭一截，所以都難怪會話呢隻喇叭係專為手機而設。
先講 X-mini Click 的缺點，就係低音不足。受限於喇叭體積，低頻鼓聲有輕微的衝擊力，不過量感就遠遠不足，對筆者呢種不太特別偏好低音的用家來說仍算可接受。頭先講過，大音量係 X-mini Click 的常用音量，值得一讚的是即使最大音量，大部分情況下都沒有出現拆聲。不過表現有少少唔穩定，播 Spotify 上《小幸運》的小提琴版就算細聲都會有 noise 的情況、播吳業坤《原來她不夠愛我》最激昂位又無事，總括來講係播 Pop Rock 最好、播共鳴感較強的弦樂就較易出問題。人聲頗為清晰、三頻分析力都可接受，以這個體型的喇叭來說可以話交足功課。另外要留意一點，喇叭擺響檯面、特別係木檯會再大聲同好聲少少。
X-mini Click 規格上話連接可以有 10m 距離，實際上要有比較穩定的連接效果，5m 左右已經係極限，而且中間最好無物件阻隔。距離算係夠用，反而部分擺位會有訊號干擾比較煩少少，要避一避。喇叭會記憶上一部連接的裝置，手機關閉後喇叭就可自動進入配對模式。可以作為 hand-free 、遙控快門同播歌按鈕使用，手機的藍牙設定度記得 set 齊「手機音效」、「媒體音效」同「輸入裝置」3 樣，先至可以用齊所有功能。不過有時會令到手機的虛擬鍵盤無法使用，要取消選擇「輸入裝置」才會恢復正常。
X-mini Click 的音量以中細尺寸的房間來說相當夠用，大音量之下分析力會有些少下降，不過稍為校細聲少少已有改善。比較大問題係播某部分共鳴感比較強的樂器、和音的時候會有少少拆聲同 noise 出現，筆者試過大部分流行曲問題不大，不過間中仍會有這個情況。以超小型喇叭來說有這樣的音量同分析力，算是交足功課。
Specifications
緊貼最新資訊，請讚好 SPILL Facebook 專頁。
