今年俄羅斯世界盃 6 月 14 日就正式開鑼，各位球迷「捕住」電視睇波的時間又到。今次世界盃香港會有 4K 直播，想用高解像度細緻咁欣賞自己喜愛球員的高超技術同動作，就要配合適當的器材了。而仲未有 4K 電視的球迷，都可以趁今次機會問准「許可」，升級屋企的電視甚至投影機。
今年俄羅斯世界盃 6 月 14 日就正式開鑼，各位球迷「捕住」電視睇波的時間又到。今次世界盃香港會有 4K 直播，想用高解像度細緻咁欣賞自己喜愛球員的高超技術同動作，就要配合適當的器材了。而仲未有 4K 電視的球迷，都可以趁今次機會問准「許可」，升級屋企的電視甚至投影機。
上屆 2014 年巴西世界盃其實已經實行過 4K 拍攝，不過香港並沒有進行電視的 4K 直播。今次俄羅斯世界盃香港觀眾終於有機會睇到 4K 世界盃。獲得直播權的 Now TV 會以 3,840 × 2,160 的 4K 解像度直播全部 64 場賽事，而且還提供了 HLG 這款 HDR 格式廣播，連之後的點播重溫都一樣有 4K HDR 揀。現有 Now TV 用戶可以直接以 $880 購買 2018 FIFA 世界盃通行證，不過要升級到 4K 通行證就要再多付 $200（即總數 $1,080）。用戶亦都可以選擇重新簽 24 個月約，選擇指定「推介之選」頻道組合就可以優惠價 $280 購買 2018 FIFA 世界盃通行證，升級 4K 通行證則同樣要額外 $200（總數 $480），不過就會獲贈 FOX+ 6 個月試睇，同埋有 2018 FIFA 世界盃限定禮品。
至於免費電視台 ViuTV 亦都會有 19 場精選賽事直播，當中包括了 6 月 14 日上演的揭幕戰俄羅斯對沙地阿拉伯，以及兩場四強賽，仲有決賽。不過礙於本地數碼電視廣播的限制，所以 ViuTV 只提供了 1080i 的全高清解像度直播，所以要睇 4K 世界盃的話，都仲要 join 埋 Now TV 的世界盃 4K 通行證至得，之後就可以安心升級器材等睇「世界波」啦。
4K OLED TV
|
據阿熾八卦所得，Sony 第一代 4K OLED 電視 A1 系列自上年推出以來都賣得相當不錯，今次第二代的 A8F 其實升級不算多，主要是更換成更易擺的底座、Acoustic Surface 屏幕振動機身喇叭低頻再加強。上代 A1 的畫質已經十分出色，今代繼續保持到水準，而且據聞售價方面比起上代仲平少少，更加吸引。不過 A8F 系列要 7 月頭先到貨，所以比較適合本身已經用緊 4K 電視、想升級試吓 4K OLED TV 的朋友。
售價：待定
 |
其他選擇：Sony A1 系列上代 A1 同今代 A8F 在面板及畫面技術方面沒有大分別，如果屋企擺到 A1 的底座，又或者選擇掛牆的話，A1 同樣好用，而且售價都由初推出回落了好多，急用的朋友 A1 都係好選擇。 延伸閱讀：▸ Sony 第二代 4K OLED 電視 A8F 登場 Dolby Atmos、微型 Soundbar 系列陣容強勁抵玩 |
講到 OLED TV，當然不少得 LG。LG 近年一直不斷推出 OLED TV 產品，可以話係面板技術最成熟的品牌。最新的 E8P 系列採用了 α9 智能處理器，支援 LG AI ThinQ 技術，可以獨立優化每幀畫面、提供最佳的畫質效果。此機亦都支援 Dolby Vision、Advanced HDR、HDR10 以及 HLG 的高動態範圍規格，除了畫面之外，本身更支援埋 Dolby Atmos 音效解碼。
售價：$38,980
新一代高階機
|
Sony 電視以往一直比起其他牌子的同級機款貴少少，不過近年已經差不多持平。今次高階新系列 X9000F 繼續係「Made in Japan」，質素有保證。配備自家頂級 4K HDR 處理器 X1 Extreme，TRILUMINOS Display、4K ×-Reality PRO、Dolby Vision 等影像技術有齊，加埋新增的 X-Motion Clarity 技術，令動態畫面更流暢之餘，仍然保持到原有的亮度，除了動作電影之外，亦都好適合用來睇世界盃這類球場同運動。
售價：$32,990（65 吋）、$20,990（55 吋）、待定（49 吋）
弧形電視曾經 hit 過一排，雖然不少朋友都繼續鍾意平面電視，不過都有用家試過弧形電視的包圍感之後「返唔到轉頭」。Samsung 算得上係最積極推出弧形電視的品牌，今年新型號的旗艦系列 Q8C 一樣係弧面設計，率先加入了全新的 HDR10+ 動態 HDR 技術，可以智能地分析畫面調節光暗，獲得最佳的 HDR 效果。另外當然都配備了 Samsung 近年旗艦系列用到的量子點顯示技術，可以呈現到廣闊色域同 100% 色彩還原。今次新機仲有 Ambient Mode 配合智能電話偵測電視周圍牆身顏色同圖案，在電視上顯示一致的畫面、令電視完全融合到牆身。
售價：$40,980（65 吋）、$29,980（55 吋）
投影機之選
|
睇波梗係一班朋友一齊睇先至正，如果有埋大畫面就當然更好，所以先有好多朋友鍾意落酒吧用投影幕睇波。想在屋企都有同樣效果？而家入門 4K 投影機都已經有不少選擇。以早前測試過的 Optoma UHD50 為例，以 XPR 技術通過 4 次 Pixel Shift 方式、以 0.47 吋 1080p 晶片可以提供到真正 4K 解像度，仲支援 HDR10，售價都只係萬五蚊有找。加埋有 1.3× 變焦以及 15% 的垂直 Lens Shift，安裝都相對容易，係一個功能同規格都唔錯的 4K 投影入門方案，加埋有得用特大畫面同朋友一齊睇波當然就更加物有所值。
售價：$14,980
▸ 【評測】Optoma UHD50：跌破新低價 保持高畫質的「真 4K」投影
▸ 【評測】Optoma UHD60：兩萬有找玩「真 4K」投影
玩投影需要有一定的空間，不過如果客廳面積有限的話，其實都仲有其他方案。例如最近正式登陸香港的 JmGO 近距離投影機 SA，只需要 51.5cm 就可以投影到 100 吋大畫面，本身可以支援投影 80 至 300 吋畫面，對普通家居來說好足夠。雖然只係全高清解像度，不過 4K 短投機款價錢閑閑地都要 6 位數，所以想用短投的話仍然係 1080p 比較划算。SA 採用了 ALPD3.0 激光光源技術，亮度有 2,200 流明，亦都支援 HDR。內置了一對 10W 全頻及 5W 高頻喇叭，本身就可以投影畫面同時輸出聲效，就算有時要換去第二個位置投影都好方便。除了配備 Wi-Fi 可以傳送手機等裝置的畫面投影之外，仲內置 JmGo OS 系統，本身就可以用來作影片播放。
售價：$25,800
買機優惠：
|
適逢世界盃之前，AV Life 特別推出多項買機優惠，等大家可以更著數地升級器材。以下會同大家分享返部分新推出的電視優惠，包括今年的新機款以及之前推出的機款，有減價、有買機送機、亦都有禮券或者其他贈品，睇吓有冇邊樣適合大家。
 |
Samsung QA65Q7FNAJXZK通常最新推出的機款都比較少有優惠，今次Samsung QA65Q7FNAJXZK 4K QLED 電視就會送 $2,000 超市禮券同 4K Now TV 機頂盒。新機係 Q7F 系列的 65 吋型號，同樣支援最新的 HDR10+ 技術，同 Q8F 相比主要是採用了平面電視設計。 售價：$37,980 |
 |
Samsung UA82MU7300有大畫面同朋友一齊分享、一齊睇波當然正，除了投影機、如大家都依然係喜歡傳統電視的話，都有選擇。Samsung 82 吋的巨屏 MU7300 系列响 AV Life 就有特價 7 折發售。支援 HDR Extreme 技術，可以提供高達 1,000 流明亮度，令 HDR 效果更顯著。加埋 Active Cyrstal Color 技術令色域更廣、色彩更自然。當然都有 Smart Hub 設計、配備大量額外功能，睇片更方便。 優惠價：$76,980（7折，原價 $109,980） |
 |
Sony KD-75X9400ESony 今年的新機剛剛發佈，亦都意味住舊年的型號會「fade out」同時減價，不過 Sony 的減價機通常賣得好快，有興趣就要把握這個交替的時機。KD-75X9400E 是上年的旗艦型號之一，尺寸都達到 75 吋，配備了頂級的 X1 Extreme 處理器，支援物件導向 HDR 重新編錄、雙資料庫處理及 Super Bit Mapping 4K HDR 技術，當然都有 Android TV 系統加持，更多功能可以玩。 優惠：送 $3,000 超市禮券、特價發售（原價 $59,980） |
5 大步驟
|
升級 4K 電視或者投影機之後，其實都需要有適當的調校，先至可以獲得最理想的畫面。其實 4K 電視的畫面參數調校同以往全高清電視相比，有不少相同之處，例如調節亮度、對比、白平衡等等。不過新一代 4K 電視或者投影機，除了解像度提升之外，更重要是 HDR 功能的加入，令畫面光暗層次更豐富，不過調校上亦都提高了難度，關於 4K 電視的調校設定，可以參考：AV Life 店長親自教路 5 分鐘校好 4K 電視睇靚畫面，投影機調校的情況亦都類似。
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
