此電郵之前已成功登記!
你已成功訂閱 Spill Paper!
Follow Us

Alan Lee 專訪:8K vs. 4K 畫質比較、使用體驗以及選購要點

2019年06月04日

當 4K 電視開始普及的時候,更高解像度的產品也開始現身,近期香港市場也開始有 8K 解像度的電視推出。8K 比起 4K 當然有解像度方面的優勢,不過在實際的視覺觀感上是怎樣的提升?現時又係咪買 8K 電視的好時機?有咩選購方面的要點需要留意?我們今次就找來影音專家 Alan Lee 分享一下對 8K 電視的睇法以及使用體驗。

8K 比起 4K 當然有解像度方面的優勢,不過在實際的視覺觀感上是怎樣的提升?現時又係咪買 8K 電視的好時機?有咩選購方面的要點需要留意?我們找來影音專家 Alan Lee 跟我們分享一下。

不止解像度? 8K 比 4K 的優勢更在於影像處理能力

早前我們找來了 Alan 同大家分享一下點樣調校 8K 電視,由標清、高清、4K 再到 8K,Alan 可以話測試過無數的電視產品,與 Q900R 這部 8K 電視「相處」了一段時間,Alan 覺得 8K 電視最大的優勢其中一部分在於處理器以及面板技術。「解像度方面當然就有優勢,8K 比起 4K 實際上就是有 4 倍的解像度。不過畫質的提升除了解像度之外,影像處理也是重點。特別現時 8K 好多時需要影像升頻,要處理每幀畫面 3,300 萬像素,對影像處理器係好大嘅考驗。」Alan 都話:「以今次呢部機為例就做得相當好,人工智能提升影像後,畫面自然得來對細緻度又的確有提升,也會帶來更強的立體感。而以往傳統 4K 電視都可能有窒格的情況,今次 Samsung QLED 去到 8K 都依然十分流暢。」

全高清 vs. 4K 訊源:8K 之下 4K 解像度優勢更明顯

雖然 AI 影像升頻對於較低解像度的片源一樣有效,不過 Alan 就話對於 4K 的提升更令人眼前一亮。「以往用 4K 電視睇 Full HD 同 4K 影片,例如分別睇 Blu-ray 同 UHD Blu-ray,可能唔太覺得兩者差別好大。不過用 8K 電視來睇的話,兩者的差距就變得好明顯,等於用放大鏡來睇的感覺,令影片的細節呈現得更立體。」雖然下年就有 8K 嘅東京奧運,相信會帶起 8K 的熱潮,不過現時仍是 4K、2K 的訊源居多,AI 影像升頻就可以補足這方面,讓 8K 電視可以發揮應有效果,加上電視本身已經支援 HDMI 2.1 功能,解像度及幀率支援 8K/60fps,日後訊源規格的提升亦都應付得到。至於標清片源又有咩效果?Alan 就話:「用 8K 來睇 DVD 都係幾特別的體驗,可以見到畫面的細節、內容多了,呢個同電視本身顯示顏色、解像度的能力有關,而好嘅影像處理會令到即使係 DVD 嘅畫面細節都更易呈現得到。」

8K 比起 4K 當然有解像度方面的優勢,不過在實際的視覺觀感上是怎樣的提升?現時又係咪買 8K 電視的好時機?有咩選購方面的要點需要留意?我們找來影音專家 Alan Lee 跟我們分享一下。
雖然 AI 影像升頻對不同解像度的訊源都有用,不過 Alan 就覺得睇 4K 的效果最令人眼前一亮,可以更明顯睇到同 Full HD 的差別。

不是「8K vs. 4K」而係「頂級旗艦 vs. 普通電視」

當然,影像質素方面的優勢除了 8K 同 4K 的分別之外,亦都同其他配置有關。「因為而家嘅 8K 電視基本上都係頂級旗艦,好似呢部就有最高 4,000nits 亮度、100% 色域空間、Direct Full Array 16X(全陣列背光)、Ultra-Black Elite 減低反光等等嘅技術,就算唔計 8K 解像度,單睇其他部分已經比普通 4K 電視甚至旗艦 4K 電視更加優勝。」Alan 再補充:「不過有 8K 解像度會令到 65 吋以上嘅大畫面依然保持到好細緻,加上今代 QLED 嘅可視角度的確進步好多,令到大畫面更有優勢。」另外 Alan 也提到一點:「由於 8K 電視本身解像度就好高,變相 Sharpness 可以收得低一點,於是就不會有平時提高銳利度、令雜訊都同時增多的情況。」Samsung 所推動的 QLED 技術,透過加入量子點科技,令顏色更準確,更獲得 VDE DC-P3 100% 色域認證,光度亦比傳統電視或 OLED 都來得高,更容易顯示高光位時的細節;而且最大的好處係唔會引致屏幕燒烘,令電視壽命更長。

8K 比起 4K 當然有解像度方面的優勢,不過在實際的視覺觀感上是怎樣的提升?現時又係咪買 8K 電視的好時機?有咩選購方面的要點需要留意?我們找來影音專家 Alan Lee 跟我們分享一下。
除了解像度,QLED 的超廣視角、100% 色域空間、Direct Full Array 16X 等等也是令到 8K 旗艦比普通 4K 電視擁有更好畫質的主要原因。

入手時機?如果本身想買 4K 旗艦機已可考慮

至於 8K 電視幾時先適合入手?Alan 就話如果用家本身已經考慮緊買 4K 旗艦或者高階機的話,其實已經可以考慮。「因為現時大部分的影像規格都已經塵埃落定,8K 電視同 4K 電視之間除了解像度之外,HDR、色域等規格都完全相同。而 8K 旗艦帶來的影像質素的確又比 4K 旗艦更勝一籌。」所以對於追求影像質素的用家來說,如果預算足夠,兩者差價不太遠、可以接受的話,的確可以考慮直接買 8K 電視。「因為除了 8K 解像度的提升之外,由面板、處理器,以至各種配套的影像技術都會係現時的最強選擇。甚至更勝戲院的觀影體驗,因為影像方面已經追到戲院的自然電影感,又有戲院無法做到的光位、黑位表現。當然,解像度方面也更有優勢。」

8K 比起 4K 當然有解像度方面的優勢,不過在實際的視覺觀感上是怎樣的提升?現時又係咪買 8K 電視的好時機?有咩選購方面的要點需要留意?我們找來影音專家 Alan Lee 跟我們分享一下。
Alan 表示,如果用家對畫質好有要求、本身已經想買高階 4K 型號的話,已經可以考慮 8K 電視。

緊貼最新資訊,請讚好 SPILL Facebook 專頁

你可能感興趣的文章