大家可能睇過甄子丹的《導火線》、HKTV 的《導火新聞線》，都覺得好好睇。不過講到經典同精彩，可以話莫過於 1995 年的《盜火線》。由羅拔迪尼路同阿爾柏仙奴兩大影帝領銜主演，將警匪片鬥智鬥力、明爭暗鬥演繹到極致。今次推出的 Blu-ray 雙碟版，是大導演米高曼親自監修數碼修復，雖然是 20 幾年前的作品，聲畫質素依然相當出色。
大家可能睇過甄子丹的《導火線》、HKTV 的《導火新聞線》，都覺得好好睇。不過講到經典同精彩，可以話莫過於 1995 年的《盜火線》。由羅拔迪尼路同阿爾柏仙奴兩大影帝領銜主演，將警匪片鬥智鬥力、明爭暗鬥演繹到極致。今次推出的 Blu-ray 雙碟版，是大導演米高曼親自監修數碼修復，雖然是 20 幾年前的作品，聲畫質素依然相當出色。
被喻為「近代電影史上最偉大犯罪電影」，《盜火線》有兩大影帝鬥法、有槍戰、有追車、有懸疑，再加上勾心鬥角，緊張刺激。20 幾年後的數碼修復版由演米高曼親自監修，整體畫質算是不錯，解像度比起當年 DVD 版當然大大提升，就算用現在全高清的標準睇依然相當不俗。電影入面有相當多黑夜場景，雖然雜訊無辦法完全消除，不過算是抑制得幾好。
今次《盜火線》配備了 DTS-HD MA 5.1 聲軌，開場一幕搶劫的槍戰已經相當有睇頭，車身玻璃爆破聲、撞車聲都夠晒震撼。尾段的銀行搶劫亦都相當出色，槍戰場面再誇張少少，子彈橫飛的定位細緻度不錯，機關槍連環掃射的低頻密集而且相當有質感。最尾兩個主角在機場旁的草地追逐戰，雖然是一槍定勝負，但前面跑動時的草叢聲、周圍的飛機聲、兩人對峙的呼吸聲等都細節十足，甚至比起之前的兩段槍戰效果更好，值得留意。
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
