如果大家唔知道「亞瑟王」係邊個，打個比喻，可以當佢係西方的周武王。作為一代英國傳奇帝王，圍繞他有好多傳奇故事，《神劍亞瑟王》就將亞瑟王由細路仔到成王之路，濃縮到一套戲當中。亞瑟王的時代同周武王一樣有好多神魔妖獸，頭尾兩場科幻大場面聲畫效果都一流，不容錯過！

節奏明快音效強勁

對上一套開場音效已經超正的電影，可能要數《非凡生命歷》，今次《神劍亞瑟王》雖然無飛機大炮，不過 Dolby Atmos 的天花聲效依然一流，因為有幾隻城牆一樣高的魔法巨象。象鼻橫掃而過的空中音效風聲一流，好有質感而且連貫性相當好。撞破城牆、火焰殺人魔術等的低頻亦都相當強勁。雖然一場大戰好快就因為阿瑟王阿爸神勇的個人表演就結束了，不過這個開場都已經相當刺激震撼。電影中間都有不少動作場面，而且節奏相當明快，無咩悶場。覺得跳躍剪接，以及有少少偵探故事的風格有似曾相識？無錯，因為導演就是《神探福爾摩斯》系列的導演佳烈治。最尾一場阿瑟王同變身魔化的叔叔大戰亦好有睇頭，雖然是單打獨鬥，不過一個是變身魔人的皇叔、一個是覺醒的阿瑟王，打得精彩之餘聲效都相當出色。

HDR 室內外、日夜景有齊

今次《神劍亞瑟王》除了科幻場面幾逼真之外，不同類型的場景亦都極之豐富。之前成日用來試機的《自殺暴隊》可能夜景較多、《死侍》就室外景多、《變種特攻》強光畫面偏多，而《神劍亞瑟王》就有齊上面所有不同的元素，由室內的皇宮、地牢、洞穴景，到室外陽光普照、雷電交加的場景都有齊，而且 HDR 畫面恰到好處，做到幾強的對比度效果，但又未至於睇得耐眼唔舒服，相信會成為另一套好適合試畫面的新碟。

《神劍亞瑟王》4K 影碟套裝除了 UHD Blu-ray 和普通 Blu-ray 之外，首批仲會附送 Digital Copy 珍藏電影卡，可以在 Clickplay 透過電視或者手機 App 睇數碼版（數量有限，送完即止）。

請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。