特工電影本來題材就吸引，近年又有「黑寡婦」這個性感又大受歡迎的俄國特工例子，所以《紅雀特工》雖然係三級片，不過依然有唔少人捧場，加上主角是 Jennifer Lawrence 這位不遜色於 Scarlett Johansson 的性感女神，今次的 UHD Blu-ray 好有睇頭。

不只賣性感，也賣畫質

《紅雀特工》這套戲相信不少朋友都是衝著要睇女主角性感演出而來，的確，今次 Jennifer Lawrence 在電影入面有全裸同露點鏡頭，雖然只係曇花一現的短短十秒八秒鏡頭，但應該都足夠令觀眾好興奮。不過大家不要只著眼於性感場面，今次《紅雀特工》在畫質方面也做得好唔錯。有齊 HDR10 同 UltraHD Premium 認證，開場時一幕芭蕾舞表現的光影效果已經超正，射燈的效果夠突出，舞台下的觀眾細節亦都好豐富，當然亦都比較考驗電視的畫質。女主角受訓時的一系列場景都做得好精細，尤其好多人面的特寫，畫面細緻。

動作場面比預期少

音效方面 UHD Blu-ray 影碟有 Dolby Atmos，而另一隻 Blu-ray 碟就只有 DTS-HD MA 7.1，天花聲道音效係沖涼同 Jennifer Lawrence 被水刑等幾幕會稍為明顯少少。作為特工片，《紅雀特工》的動作場面比預期要少，主要集中在中後段有幾場打鬥，前中段都係文戲居多，如果預期 Jennifer Lawrence 有好多動作場面，又打得又爆得的話可能會有少少失望。不過今次影碟在聲音細節方面做得幾唔錯，因為電影由頭到尾都係懸疑格局、節奏較慢，幸好電影的配樂以及中低頻的環境聲將詭秘的氣氛襯托得好好，令觀眾可以保持投入。

影碟資料

電影公司：霍士
片種：動作
導演：法蘭西斯羅倫斯
演員：珍妮花羅倫絲、祖爾艾哲頓、謝洛美艾朗斯
影碟數目：2
語言：英語、法語、德語、意大利語等
音效：英語 Dolby Atmos、Dolby Digital等
字幕：英文、繁體中文、法文、丹麥文等
視頻壓縮：HEVC
容量：UHD66+BD50
解像度：4K 2160x3840
特別收錄（Blu-ray）：
• 新的冷戰 - 原作及改編
• 特工挑釁者 - 演員組合
• 間諜情報技術 - 視覺真實性
• 暴風雨的核心 - 拍攝地點
• 歡迎來到紅雀學校 - 芭蕾與特技
• 未完整的拼圖 - 後期製作
• 導演講評
• 刪剪片段
影像：彩色
級別：III

請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。