Sony 早前公佈了 2016 新系列 4K 電視， X9300D 就是當中的高階型號，上次部 Panasonic 最新的 UHD Blu-ray 機 DMP-UB900 就係配搭佢嚟試。部分畫面相關的測試可以睇返上個 review，HDR 效果講得已經好詳盡。不過部 X9300D 都幾值得另外一寫，用了新的背光技術之後，光暗層次有唔少提升，但係同時都有一定的缺點，今次就同大家一一分享下。
Sony 早前公佈了 2016 新系列 4K 電視， X9300D 就是當中的高階型號，上次部 Panasonic 最新的 UHD Blu-ray 機 DMP-UB900 就係配搭佢嚟試。部分畫面相關的測試可以睇返上個 review，HDR 效果講得已經好詳盡。不過部 X9300D 都幾值得另外一寫，用了新的背光技術之後，光暗層次有唔少提升，但係同時都有一定的缺點，今次就同大家一一分享下。
Sony 上年的 BRAVIA 系列已經轉用 Android TV 系統，今年的新系列主要有兩大改進。其一是支援 HDR，雖然官方冇講清楚係邊種 HDR 技術，不過估計應該係 HDR10，播放 UHD Blu-ray 冇問題。另一樣係採用了「Slim Backlight Drive」全新背光系統，用新的導光方式，令邊框式 LED 背光的一部分可以導向畫面中間，並且能夠獨立調節光暗，做到一定直下式背光的局部光暗控制效果，但機身又可以繼續保持纖薄。
自從轉用 Android TV 系統之後，Sony 電視的選單介面亦都有改動，主要的多媒體、網絡功能用圖像介面處理，其他畫面、聲效等等設定就用返傳統選單。因為功能真係比較多，所以望落有少少複雜，實際上分類其實算係幾清晰，不過都要花少少時間去搵唔同功能同設定的位置。
用咗「Slim Backlight Drive」新背光系統之後，X9300D 的暗位做得的確較普通邊框式 LED 電視好幾多，尤其《死侍》有唔少背光畫面、黑暗場景，黑位比起傳統 LED 電視可以做得更暗之餘，但又保持到衣服、頭髮的細節層次，雖然同 OLED 仲有段距離，不過在現有架構之下仲可以有咁樣嘅提升，值得一讚。而且背光控制的反應亦都幾快，死侍出場第一幕的槍戰，飛車快、空中跳躍亦快，光暗轉換都完全跟得切，效果好唔錯。
睇 UHD Blu-ray 嘅畫面，尤其是顏色方面同普通 Blu-ray 有幾大分別。Sony 預設的 HDR 模式之下色彩會顯得太過濃，而且色溫太過暖。以前呢類情況好容易膚色就變成「一撻撻」，膚色色階會完全失去層次，但係由於有 10-bit 顏色加上廣色域加持，呢種偏濃偏暖的畫面依然做到顏色過度。不過筆者自己就唔太好呢種「重口味」畫面，所以色溫都係調返中性，顏色飽和度降低返少少。不過同平時睇開都仲係有少少分別，女主角的膚色會有啲偏小麥色。
今次試機的時候發現 X9300D 的一個比較大的缺點，平時可視角度呢一項試咗都唔會特別提，不過今次 X9300D 的可視角度就的確偏窄，在一張 3 人梳化兩邊觀看可能仍未察覺，不過再偏一點就會見到畫面稍稍變淡變灰，再側到 45 度角或以上畫面對比度會有稍大的下降。對普通用家來說影響唔算大，不過對於平時一大班人一齊睇，又或者電視擺位未必就可就正梳化的用家來說，呢點就要考慮了。
今次 X9300D 用了新的背光技術，畫面光層對比的表現的確有提升，加上新的 HDR 技術，畫面可以獲得更強的對比度同立體感。較大的缺點依然是可視角度較窄，太側睇畫質有下降。其他功能方面，改用 Android TV 系統之後 BRAVIA 系列變得相當全面，有 Google 加持之下已經不輸其他韓系品牌的 Smart TV，可以安裝 Android APK 等功能甚至更方便。
Specifications
BRAVIA X9300D
尺寸：55 吋、65 吋
解像度：3,840×2,160
3D：主動式
輸入端子：HDMI×4、色差、RCA Video×2、3.5mm audio、USB×3
輸出端子：光纖、RCA Audio
體積（連座檯架）：1,239×769×261mm（55吋）、1,458×839×36mm（65吋）
重量（連座檯架）：24.9kg、32.1kg
售價：$31,980（55吋）、$45,980（65吋）
查詢：Sony（2345 2966）
緊貼最新資訊，請讚好 SPILL Facebook 專頁。
