有興趣玩黑膠的朋友，有時都幾疑惑，「唱盤要駁 Phono Amp？又要咩一級放大、二級放大？」的確，因為唱頭拾取的音樂訊號比較弱，需要多一重訊號放大先播到，唔似播 CD 咁接駁直接。不過近年都多了唱盤內置 Phono 放大，可以比較容易同普通音響系統「接軌」，今次就同大家分享一下黑膠唱盤的唔同駁法，睇完之後大家都應該會覺得「其實唔難」。

一體式連喇叭輸出

可以話最簡單的「接駁」方式就是一體式機款，本身唱盤已經內置放大線路以及喇叭輸出，只需要接駁電源、放上唱片就可以出聲。未必係好靚聲的選擇，不過就一定最方便。

內置 Phono Amp

近年唔少入門盤都配備了 USB 轉錄功能，亦都「附帶」內置了 Phono Amp，可以提供光纖、同軸之類的輸出。就算 RCA 輸出都可以啟用內置的 Phono 放大，令接駁方式變成同普通 CD 機差不多。不過內置的 Phono Amp 未必好靚聲，需要時可以關左佢，接駁外置擴音機放大輸出。

直駁主動式喇叭

接駁前後級

接駁合併擴音機

傳統接駁額外 Phono Amp

比較傳統，或者高階系統的接駁方法就是唱盤再加額外 Phono Amp，將音訊放大成標準訊號之後，接駁方式就同普通 CD 機差不多。可以連接前後級或者合併機，又或者直駁主動式喇叭都可以。部分前級同合併機有內置 Phono 放大功能，這樣就可以省去額外的 Phono Amp。

黑膠系統的接駁方式其實可以好靈活，甚至不少 AV 擴音機都內置了 Phono 放大，唱盤駁 AV Amp 都可以出聲，不過大多數音質一般，大家應該唔會太滿意。至於哪種接駁方式適合，就要睇預算、要求而定，記得要自己試試比較一下。

想瀏覽更多 SPILL 視聽專題，請即按 https://www.spill.hk/features/

緊貼最新資訊，請關注 SPILL 的 Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。