為何會選擇跑步？相信人人都有不同理由。或許跑步是最容易進行的運動，不像籃球、羽毛球或網球需要約朋友玩。愛跑步，是一個人的事。很多跑友都鍾意一邊跑步一邊聽歌，可以更有節奏又冇咁悶，今次我們找來幾款最新的運動藍牙耳機，並邀請了本地跑團 Pow Bow 中 4 位素人跑者跑住實試，看看他們有甚麼評價！
為何會選擇跑步？相信人人都有不同理由。或許跑步是最容易進行的運動，不像籃球、羽毛球或網球需要約朋友玩。愛跑步，是一個人的事。很多跑友都鍾意一邊跑步一邊聽歌，可以更有節奏又冇咁悶，今次我們找來幾款最新的運動藍牙耳機，並邀請了本地跑團 Pow Bow 中 4 位素人跑者跑住實試，看看他們有甚麼評價！
「2013 年時想做跑步網誌，由於太懶更新，網誌荒廢，但一齊跑嘅跑友多了，就異變成個個禮拜去唔同區嘅跑團。搞過啤酒跑、跨海跑、保衛寶雲道、4 × 25km 跑佬接力賽、全馬育成計劃，以至齊齊遠征大阪、富士山馬拉松——但最鍾意，都係跑香港，食香港。」4Kei, Co-founder of Pow Bow
Calix：跑步用的耳機最緊要戴得舒服。因為自己耳窿較細，之前試過好多對耳機都係戴得唔舒服。今次試玩的 Bose SoundSport Wireless 輕身之餘，用細碼耳膠都 ok，而且低頻幾勁，很適合運動使用。另外，亦有試過 B&O PLAY Beoplay H5，聲音感覺實淨，就算用來聽《KKBOX》串流音樂，都感受到聲音層次比較好，背景聽到更多細節。
Fish：續航力要夠長，以前試過一些耳機，未完成半馬已經冇晒電。
Agnes：我就試玩過 Motorola VerveLoop+，標榜可以使用到 9.5 小時，但實際測試後發現冇咁長，而且通話表現麻麻又不太穩定。
Fish：自己是 Plantronics BackBeat GO 2 的用家，今次試玩新一代 BackBeat GO 3，耳翼加以改良，的而且確令耳機戴得更穩陣，還新增語音指示功能，發聲提示剩餘電量，我覺得這個功能很好用；至於聲音表現亦比上一代好一點。
Yvan：一直對入耳式耳機有點抗拒，個人就較喜歡用 Earbud，可以聽到車聲及外界環境聲；之前亦試玩過骨傳導技術的耳機，發聲部分緊貼在耳朵前方，唔使塞住耳仔就聽到音樂，感覺幾啱我！
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
