過百呎「電視牆」超震撼！ AV Life 中環 IFC 分店揀電視夠大、夠新、夠齊全

過百呎「電視牆」超震撼！　AV Life 中環 IFC 分店揀電視夠大、夠新、夠齊全

2017年10月05日
熾
文迪

AV Life 在中環國際金融中心（IFC）的分店早前大裝修，剛剛就正式重新開業。新裝之後的店面擁有一幅過百呎的「電視牆」，行入去睇真係超震撼。而且仲擁有全港最齊全的大尺寸電視，包括成 100 吋的 Sony Z9D，想試吓大電視真係首選。其他仲有 LG、Sony 最新的 OLED 電視系列、Samsung QLED 系列等，上去拍攝當日好多途人行過都忍唔住要停低一睇再睇。

特大畫面電視現場試

AV Life 的中環 IFC 分店展出電視為主，而且是全港其中一間擁有最齊特大尺寸電視的影音店，擺出來的包括有 100 吋 Sony 的 Z9D、88 吋 Samsung 的 Q9F QLED 電視、86 吋LG 的 SJ95 系列，連 78 吋 Samsung 的 KS9900 SUHD 電視在這裡都只是「小巫見大巫」。想揀大尺寸電視？IFC 分店可以話係首選，起碼有得現場試睇效果。

AV Life 在中環國際金融中心（IFC）的分店早前大裝修，剛剛就正式重新開業。新裝之後的店面擁有一幅過百呎的「電視牆」，行入去睇真係超震撼。而且仲擁有全港最齊全的大尺寸電視，包括成 100 吋的 Sony Z9D，想試吓大電視真係首選。其他仲有 LG、Sony 最新的 OLED 電視系列、Samsung QLED 系列等，上去拍攝當日好多途人行過都忍唔住要停低一睇再睇。

店面最矚目的其中一部電視就是 Sony 大到 100 吋的 Z9D，好少店舖可以睇到真身。

另一部好少店舖可以見到的就是 LG 的 W 系列「牆紙」OLED 4K 電視，用透明架掛住擺放，打側睇真係超薄身。

隔離仲有 LG 同 Sony 最新的 4K OLED TV 系列，有得比較一下再睇下買邊款。

有齊最新 OLED、QLED 電視

店面最出邊就擺緊 LG 的 W 系列「牆紙」電視，由於要連埋透明架同 Dolby Atmos Soundbar 一齊擺，所以全港都無太多店舖擺出來展示。隔離仲有 LG 旗下其他 OLED 系列以及 Sony 的 A1 OLED TV，想睇吓 OLED 電視畫質係咪咁「正」，IFC 分店都可以話好齊全。另外當眼處仲有 Samsung 最新的 QLED 4K 電視系列，包圍弧形的 Q8C 同平面電視 Q7F。不過講到最「顯眼」的，莫過於成 100 吋的 Sony Z9D，想睇下 100 吋的特大電視畫面有幾震撼的話，行過 IFC 的朋友不妨上二樓睇睇。

正中間仲有 Samsung 最新的 QLED 系列 4K 電視，弧形同平面型號有齊，可以即場比較一下睇吓鍾意邊種設計。

嫌走廊人流多、試睇唔方便的話，入去店面另一面都有掛牆擺放兩個 QLED TV 系列。

阿熾採訪期間有唔少客人停低「睇電視」同查詢，呢位外藉美女仲睇咗好耐，似乎覺得畫面好靚想換機。

不同牌子型號任揀

行入店內就可以見到一幅過百呎的「電視牆」，十幾部電視全部都掛牆擺放，頭先提到的 88 吋 Samsung 的 Q9F QLED 電視、86 吋 LG 的 SJ95 系列都是掛在這面牆，而其他 60、70 吋的型號只屬於「細電視」。而除了電視之外，店面仲會有 Onkyo TX-RZ1100、Denon AVR-X7200W 等 AV 擴音機，OPPO UDP-203、UDP-205、Cambridge Audio CXUHD 等 UHD Blu-ray 機，Sonos 無線喇叭、Cambridge Audio 同 Marantz 的微型音響等器材。所以唔止買電視，要揀齊全套影音系統都無問題。