呢一代的父母，難免會同仔女拍攝好多好多相片，不過大家有冇諗過，記錄仔女成長的相片，除了「紀實」之外，都可以好有創意？John Wilhelm 呢位來自瑞士的攝影師就同佢三個女兒、一家五口的家庭照變成充滿創意的攝影作品。

現年 46 歲的 John Wilhelm 是瑞士一間大學的 IT 技術總監，本身並不是攝影師，不過就極之熱衷於拍照，加上十分擅長數碼後製，將自己、女友 Judith 同 3 個女兒（現年 7 歲的 Lou、5歲的 Mila 同 2 歲的 Yuna）拍攝的相片變成了精彩的數碼創作。由於作品充滿創意、合成同後製的技術一流，加上幾個小女孩表情十足的演繹，令 John 的作品大受歡迎。

對於自己的創意，John 就歸結於自己小時候就開始睇好多電視，而且熱愛各種電玩遊戲，先至培養出咁豐富的想像力。雖然作品本身就好有趣，但係大家都知同小朋友影相有幾「容易」，John 就話：「响拍攝的時候可能要同小朋友一齊保持正面、開心嘅情緒，亦都等佢哋知道爸爸好認真地拍攝，影出來的相片對爸爸同佢哋都好重要，咁佢哋就會比較容易合作。另外，即使佢哋唔合作，其實都會有一些有趣的畫面出現，依然好甜蜜同值得回味。」

更多 John 同佢女兒、屋企人的創意作品可以在他的 500px 網頁睇到。