去年底胡琳舉行了她的《Body and Soul》演唱會，半年過後，Live CD 推出了。一直覺得，胡琳舉行的是「音樂會」，而不是「演唱會」，不過海報這麼寫著，或者是要符合一般樂迷的認知吧，「音樂會」好像也太嚴肅了。不過，《Body and Soul》確實是音樂先行，這次跟胡琳訪問，她也從不稱之為「演唱會」，會說是「音樂會」；表演重要，歌唱重要，但音樂才是重點。

音樂會呈現更完整的自己

「其實籌備音樂會，最多時間都係用喺編曲上面，無論自己嘅歌定人哋嘅歌，都想有啲變化。如果同唱片分別太細，就會冇乜衝擊。」胡琳沒有誇大，如果你已買了這張現場錄音專輯，便會發現，所有歌曲的音樂編排都跟錄音室版本有很大出入，在 New York Jazz Cats 的演奏下，有如走進了百年前的爵士歌廳，很多作品都變得更有生命力。

老套地問她覺得自己在音樂會的表現如何，她很「官腔」的答「每次音樂會都係難忘嘅」，總會有覺得可以更好的地方。「過咗差唔多半年嘅時間，聽返個錄音，我覺得係感動到自己嘅一場 show。」

和胡琳過往的音樂會有點不同，這次是她入行十周年的一個演出。「之前兩次比較大型嘅演唱會，自己嘅歌係比較少，今次就做到一半半，一半係自己嘅作品，一半就係出過嘅翻唱作品，同埋一啲新揀嘅翻唱作品。」也可以說，這是給追隨她十年的歌迷的一個音樂會，有很個人的情感，也有她為人熟悉的「靚聲」一面，新挑選的翻唱歌如〈Smooth Operator〉（Sade）和〈Man in the Mirror〉（Michael Jackson）更是經典中的經典，足見她對自己充滿信心。

值得一提的是，音樂會請來林子祥當嘉賓，二人之前並不認識，胡琳笑言是發夢諗到要邀請的，「真係厚臉皮走去問㗎咋」，但最後又真的誠意打動到他，「佢有一首歌叫〈分分鐘需要你〉，咁其實對我嚟講係 all time favourite，因為係一首最直接、最簡單、最浪漫嘅情歌，我好想喺個 concert 入面唱。揀咗呢首歌之後，又揀咗〈最愛是誰〉，咁諗到呢度，就覺得請到阿 Lam 嚟咪最 perfect？」胡琳說，當音樂響起，她就覺得有一種 connect 的感覺，也忘了眼前的就是一位經驗非常豐富的前輩。除了〈分分鐘需要你〉和〈最愛是誰〉，還演繹了較少人認識的〈Make My Day〉，一首林子祥譜曲的英文歌，風格帶點 Blues Rock 味道，較激昂，是胡琳少有「出力」的演繹，值得留意。

現場錄音專輯設兩個不同版本

胡琳不只是「爵士小天后」，她的唱片也是音質的保證，吸引不少音響發燒友購買。這次《Body and Soul》的 Live CD，更特別地提供兩個不同版本。「我都係差唔多出碟先知有兩個版本！」唱片封面的顏色會略有不同，更重要的是，音質也不同。「A 版本是比較接近我耳仔聽到現場環境嗰個感覺，如果用我自己嘅方法去解釋，我覺得所有嘢係融合啲嘅，現場感強啲。B 版因為做咗唔同嘅處理，出嚟嘅效果就層次分明啲。」

由於 B 版數量比 A 版少得多，已出現「炒價」，難免被指是「呃錢」，但胡琳說自己更愛 A 版，「我自己喜好就鍾意可以最大地呈現現場感覺嘅版本，唔需要分得咁清」，但也補充兩者有各自的價值，「我覺得聽音樂係好個人嘅事，有啲人鍾意現場感重啲，有啲人鍾意樂器同人聲係一樣咁 stand out，我覺得大家可以對比一下。」她強調，不要以為數量少就等於較好，其實只是音色上的不同。

Blu-ray 大概 9 月中至尾推出，不過胡琳覺得先聽 CD 也好，「只係聽聲，某程度上嚟講係可以更用心感受」，而且大部分「講嘢」部分都沒有剪走，相當原汁原味。

年底新專輯與 Amy Winehouse 結他手合作

出道十年後的最大改變，莫過於她早前轉投了更大規模的公司，胡琳在未來一兩年間，會不會由「爵士小天后」，變成「流行天后」？「有歌迷擔心話：我情願你自己匿埋做，仲保持到個水準」，但其實她簽約時已和唱片公司時達成共識，音樂方面的路向是不會變的，「音樂風格、自主性，同以前係冇分別的」，唯一不同的是，她將會有更多電影、舞台劇方面的演出。

至於會不會變成「流行天后」，胡琳說她從不覺得自己的歌不「流行」，「我重覆又重覆咗 N 次，我嘅音樂本身就好流行（曲）！特別係全新嗰啲歌，我覺得只係少咗啲途徑畀更多嘅人聽到。我成日都覺得，做一隻碟唔係一件容易嘅事，唔係我唱咗就算，係由零開始，好多人擺咗好多心機入去」，所以，她渴望自己的歌可以讓更多人聽到，「一首歌係有生命，多啲人聽到，咁個延續性咪會長啲囉」，她說音樂上只會按自己的喜好而做，外在因素對她不會有任何影響，她需要的，是唱片公司在推廣上的 power。

今年年底左右，胡琳會先推出一張英文專輯，有翻唱 Oldies，也有翻唱較近期的流行歌曲。「初初諗住主要唱 Jazz Standards，但對我嚟講似乎太意料中事，亦相對地較為容易，於是就揀咗其他歌。」厲害之處是，過往她會和整支樂隊一齊玩，這次就只有一支結他和她的聲音，而彈結他的是 Robin Banerjee！「上次音樂會佢都有做特別嘉賓，有次佢嚟香港表演，做一個 Amy Winehouse 嘅 Tribute，咁我覺得好正，就四周圍問人，先知原來佢就係同 Amy Winehouse 一齊做音樂嘅結他手，於是就邀請佢做成隻碟！」有如此強勁的樂手，出來的效果一定很精彩吧，而且是 analog 錄音，相信在發燒界又會掀起熱潮了。這或者也證明了，胡琳並沒有改變。

場地鳴謝：Wildfire

緊貼最新資訊，請讚好 SPILL Facebook 專頁。