平成咁，還有非法下載的理由嗎？現在串流生意難做，競爭激烈，單是香港就已有 MOOV、Soliton、JOOX、KKBox、Spotify 和 TIDAL，要搶客愈來愈難。最直接的招生意方法自然是：「減價」。

Spotify 本來月費已經好平，僅 $48，但其他競爭對手都只係一兩蚊上落，當然不易突圍而出。今天他們便公佈，家庭共享計劃（family plan）月費將由原來的 $144 減至 $78，可以話抵到爛。

家庭共享計劃新方案最多可供 6 位用家使用，換句話說，只要你搵多 5 個朋友，就可以每月 $13 蚊的超低價享用 Spotify 上超過 3,000 萬首歌曲！而且帳戶獨立，每位使用者均可設定個人音樂清單，在任何時間、任何裝置使用，最重要是沒有廣告。

真係搵夠朋友就得，家庭共享計劃的用家其實並唔需要真係家人，也不用在同一 Wi-Fi 使用，基本上叫做「朋友 plan」都得。最大問題係其中一個要做「一家之主」，負責交月費，同埋要問返其他 5 位用家收錢。

舊 plan 本來最多只可以 5 位用家使用，在新方案實施後，不單可以在下一期帳單以「新價」繼續享用，更可邀請多一個朋友，以達至最低價的可能。當然，你唔加人亦一樣得。

只是如此一來，Spotify 分畀歌手的錢，會不會更少？

緊貼最新資訊，請讚好 SPILL Facebook 專頁。