此電郵之前已成功登記!
你已成功訂閱 Spill Paper!
Follow Us

我們需要 6,000 萬像素嗎? Sony A7R IV 高解像之下的「一闊五大」

2019年07月17日

Sony 的第三代無反入面只有 A7S III 遲遲未公佈,估唔到第四代的 A7R IV 會搶先推出。新機具備 6,100 萬像素,是全球首款突破 6,000 萬解像度的全片幅相機。加埋今、明兩年即將公佈的 Nikon Z8、Canon EOS RS 超高解像度無反,新一輪像素大戰快將開始。不過諗返轉頭,我們平時拍攝、分享的相片其實係幾多解像度?究竟又有幾多人需要 6,000 萬像素?

Sony 第四代的 A7R IV 搶先推出,新機具備 6,100 萬像素,是全球首款突破 6 千萬解像度的全片幅相機,不過諗返轉頭,我們平時拍攝、分享的相片其實係幾多解像度?究竟又有幾多人需要 6 千萬像素?

Facebook、Instagram 相片 200 萬像素已足夠?

早幾年 Nikon D800、Sony A7R、Canon EOS 5DS 推出的時候,有過一輪相機像素比拼,高解像度未必人人用到,其實大家最常接觸到相片的 Facebook 和 Intsagram,支援的解像度大約只有 100 至 200 萬像素。Instagram 的方形度相片最高支援 1,080 × 1,080 解像度,Facebook 則是 2,048 × 2,048。現時主流的 Full HD 和 4K 電腦屏幕,前者的 1,920 × 1,080 解像度大約對應 200 萬像素,後者的 3,840 × 2,160 解像度大約是 800 萬像素,就算係現時剛剛起步的 8K 電視,講緊也只是 7,680 × 4,320 的 3,000 萬像素,也就是 A7R IV 解像度的一半。

Sony 第四代的 A7R IV 搶先推出,新機具備 6,100 萬像素,是全球首款突破 6 千萬解像度的全片幅相機,不過諗返轉頭,我們平時拍攝、分享的相片其實係幾多解像度?究竟又有幾多人需要 6 千萬像素?
機身設計大致同上代差不多,不過手柄位更深更好拎,曝光補償旋鈕就加入了鎖定按鈕避免誤觸,後轉盤直接曝露在頂部,應該更易撥動。

Sony 第四代的 A7R IV 搶先推出,新機具備 6,100 萬像素,是全球首款突破 6 千萬解像度的全片幅相機,不過諗返轉頭,我們平時拍攝、分享的相片其實係幾多解像度?究竟又有幾多人需要 6 千萬像素?
對焦點撥杆加上更多紋理,翻轉式屏幕支援觸控,拍片時亦支援觸控追焦。

Sony 第四代的 A7R IV 搶先推出,新機具備 6,100 萬像素,是全球首款突破 6 千萬解像度的全片幅相機,不過諗返轉頭,我們平時拍攝、分享的相片其實係幾多解像度?究竟又有幾多人需要 6 千萬像素?
機側繼續有耳機、收音咪、Micro HDMI、USB-C 以及閃燈同步端子。

Sony A7R 係好受歡迎的無反系列,文迪自己都擁有過 A7R II。撇除專業攝影師要用到超高解像度,普通用家拍攝風景相片、群體大合照、鳥攝等題材有時都需要用到高像素,4,000 萬像、6,000 萬分別可能唔大,不過好多時大家都會覺得多多益善。不過高像素隨之而來的問題可能比想像中更多,唔止「一闊三大」。

 

 

 

記憶卡

一張 RAW 動輒 50、60MB 以上,SD 卡要買大好多之外,亦都需要貴價一點的高速卡先應付到高像素的龐大資料量。

 
 

硬碟

高像素、大檔案隨之而來係硬碟的儲存容量,尤其數碼相成本太低、濫拍嚴重,1、2TB 好易「打爆」。

 
 

電腦

即使唔執相,單單睇相,瀏覽超高解像度相片的速度都會比以往慢;而對於會執相的朋友,6,000 萬像素對電腦亦都係大負擔,可能升級 A7R IV 的同時要升級埋電腦先得,價錢隨時等於另一部 A7R IV。

 
 

鏡頭

要用盡 6,000 萬像素的解像力,當然都需要高質素的鏡頭配合,否則可能換了機都睇唔出分別,大家都知 G Master 系列並不便宜。

 
 

網絡

會網上 backup 相片或者另存到 NAS 的朋友要留意,要將 6,000 萬像素的原相分享或者備份,無一個高速網絡同 router 的話可能慢到令人不能忍受。

 

 

當然,像素更高就要求手持相機要更穩定,雖然 A7R IV 有 5.5 級機身防震,不過拍攝時對穩定性的要求就更高。A7R IV $3,500 美元的售價比起 A7R III 剛推出時稍貴一點,但 6,000 萬超高像素、15 級動態範圍、強勁對焦能力、10fps 連拍等等規格都好吸引,不過有興趣買機的朋友除了升級相機之外,就要記得預埋上述的「升級 budget」了。

 

Sony A7R IV 的主要功能及規格:

  • 6,100 萬像素全片幅感光元件
  • Pixel Shift Multi Shooting 可拍攝 2.4 億像素(連拍 16 張相片以電腦合成)
  • 15 級動態範圍
  • 5 軸、5.5 級機身防手震
  • 10fps 連拍(可連拍 68 張)
  • 567 點相位對焦點,74% 畫面覆蓋率
  • APS-C 裁切模式具備 325 個相位對焦點(100% 畫面覆蓋率)
  • Real Time Tracking/Real Time Eye AF(支援動物眼控 AF)
  • EVF 解像度達 576 萬點(0.78 × 放大率、100% 畫面覆蓋率)
  • 3 吋 144 萬點屏幕
  • 6K 超取樣攝錄 4K/30P 影片(支援 S-Log2/3、HLG)
  • 影片支援觸控追蹤對焦
  • 影片同樣支援 Real Time Eye AF
  • 雙 SD UHS-II 卡插槽
  • 2.4GHz、5GHz 雙頻 Wi-Fi
  • 機身售價 USD$3,500(約 HKD$27,350),9 月發售

Sony A7R IV 影片介紹:

緊貼最新資訊,請讚好 SPILL Facebook 專頁

你可能感興趣的文章