由《Hi Fi 音響》月刊同 feverSound.com 聯合主辦的第一屆香港影音博覽（Hong Kong Audio Visual Expo，HKAVE）將會於 6 月 10 至 12 日假尖東富豪九龍酒店舉行，除了主打「買得起的視聽享受」、讓大家試聽完捨得買返屋企之外，附送的發燒工具測試 CD《音響羅盤》仲極之有誠意，對聽開歌的朋友相當實用，可以話淨係呢隻附送 CD 已值回票價。

今次的影音博覽展出的產品，由黑膠、影音、數碼音響、發燒線材、無線、串流、電腦音響、耳機和耳擴等都一一俱備。17 間獨立展房同 13 個銷售區，總面積超過 10,000 平方呎，每間展房間隔同普通家居接近，讓大家可以「貼地」咁感受下實際的聆聽效果。

2016 香港影音博覽詳情：

• 日期：2016 年 6 月 10 日至 12 日（星期五、六、日）
• 開放時間：11:00am - 8:00pm（星期五）
• 　　　　　10:00am - 8:00pm（星期六）
• 　　　　　10:00am - 6:00pm（星期日）
• 地點：富豪九龍酒店 2、3 樓（九龍尖沙咀麼地道 71 號）
• 展覽場地：17 間「獨立展房」、13 個「耳機及軟件銷售區」
• 票價：港幣 60 元正

附送實用「真．工具測試 CD」

大部分影音展例牌有附送雜錦 CD，不過今次 HKAVE 有少少唔同，14 個 tracks 入面有 7 隻係「工具」、7 首係音樂。前者提供了一些左右聲道、定位測試的音效，坊間這類工具碟選擇不多，對用家設置一套兩聲道系統十分有用；後者亦各有「功能」，有試人聲的陳慧嫻、試低頻的 drum set、試不同和音共鳴的合唱團等等。筆者在發佈會上試聽完都覺得極之實用，即刻想攞返隻走，不過據知大貨仍在趕製中，大家到時入場就有。

入場人士可獲得:

• 入場證乙張（只限當天使用）
• 發燒工具測試 CD《音響羅盤》乙張
• 香港影音博覽場刊兼音響購買指南《尋寶 360º》（限量印行、送完即止）或香港影音博覽場刊

買預售票有咩好處？

今次 HKAVE 會推行門票預售，「咁嚴重需要預售？」因為今次入場附送的「音響購買指南《尋寶 360º》」係限量派發、送完即止，呢本《尋寶 360º》收納了超過 360 款《Hi Fi 音響》近年曾經評測過的產品的試音報告精華，可以話真係一本「尋寶指南」、一定搵到你啱心水的產品，只要荷包夠深就得。而買了預售票的入場人士就「一定」可以得到呢本《尋寶 360º》，唔係就要早到去排隊了。

預售門票詳情：

任何人憑預售票即可於博覽會任何一日，於會場 2 樓換取當日入場證乙張，更必定可獲《音響羅盤》CD 及《尋寶 360º》特刊。

預售門票由即日起於下列地點發售：

• 中環聲之島：香港中環砵典乍街 10 號 18 樓全層（電話：2524 1881）
• 銅鑼灣威達公司：香港銅鑼灣告士打道 280 號世貿中心 35 樓 3504-5 室（電話：2506 3131）
• 尖沙咀威達公司：九龍尖沙咀彌敦道 63 號國際廣場 iSquare 505 室（電話：2317 7188）
• 旺角聲耀全音：九龍旺角西洋菜南街 1A 百寶利商業中心 1405 室（電話：3188 1720）
• 旺角 AV Hospital：九龍旺角西洋菜南街 2T 添置商業中心 16 樓全層（電話：2697 8088）

更多參展商名單、場地 floor plan 詳情，可以到 feverSound.com 瀏覽。