UH9500 是 LG 剛剛在香港推出的高階 4K 電視系列，其實 4K 解像度前年、甚至再之前已經有，今次新機最大的特點是支援「HDR」，如果片源支援高動態範圍的話，就可以在畫面上展現更強的光暗層次同對比。本來要等到有 UHD Blu-ray 碟同機先至有得試，今次真係要「多謝 Netflix 先」，可以串流就玩到，而 LG 的反應亦相當快，呢頭《Marco Polo》有得睇 Dolby Vision 的 HDR，嗰頭就已經立即有 firmware 升級支援，唔係都試唔到。
UH9500 是 LG 剛剛在香港推出的高階 4K 電視系列，其實 4K 解像度前年、甚至再之前已經有，今次新機最大的特點是支援「HDR」，如果片源支援高動態範圍的話，就可以在畫面上展現更強的光暗層次同對比。本來要等到有 UHD Blu-ray 碟同機先至有得試，今次真係要「多謝 Netflix 先」，可以串流就玩到，而 LG 的反應亦相當快，呢頭《Marco Polo》有得睇 Dolby Vision 的 HDR，嗰頭就已經立即有 firmware 升級支援，唔係都試唔到。
Specifications：
UH9500 是 LG 一系列新機當中的最高階機款，只有 65 吋一個型號。解像度當然係 3,840 × 2,160（4K）。採用邊框式的 LED 背光系統，既省電而且機身可以做到超薄，UniScreen 設計最薄的地方只有 6.6mm。由於直下式 LED 背光耗電又笨重，已經愈來愈少電視採用，所以如果唔計 LG 的 OLED 系列的話，UH9500 算係現時最高階的機款了。
智能系統方面採用了全新的 webOS 3.0，加入了 Magic Zoom 功能，善用 4K 的高解像度，可以放大畫面某部分睇個仔細，播運動、球賽比較適合，當然睇演唱會、放大黎明個頭、捕捉偶像每個表情咁都可以。Magic Mobile Connection 同 AirPlay 原理相似，手機同電視駁落同一個網絡，開個 App 就可以將畫面串流到電視播，方便過以前。
今次測試主要就是「專業」同「HDR 效果」兩個影像模式之間切換，前者相當準確，預設畫面已經相當唔錯。其他功能同以往 LG 高階機差不多，不過就繼續有增添新功能，例如 Magic Zoom、遙控器學習等。
今次測試的 UH9500 支援 HDR10 同 Dolby Vision 兩種 HDR 標準（詳情可以參考【SPILL百科】HDR），HDR10 暫時要等 UHD Blu-ray，Dolby Vision 就即刻有得試，不過都係得 Netflix 的《Marco Polo》一套。除了電視要 update firmware，內置的 Netflix App 都要更新，之後就無咩特別要設定，開《Marco Polo》套劇就自動認到係 Dolby Vision 規格，然後用「Dolby Vision 影像模式」開始播。
「Dolby Vision 影像模式」有三個選擇，預設的「清晰」其實太光，而且畫面偏藍、色溫偏高，唔係太適合；另外兩個「電影明亮」同「電影暗」預設畫質都幾好，「電影明亮」應該最適合普通家居，有電影的 warm tone 之餘、畫面反光夠、光暗黑細節亦都相當好；「電影暗」就真係幾暗，要全黑環境先啱睇。
筆者自己就最鍾意「搞搞震」，所以最後係用「清晰」模式再校低色溫、調整對比同背光（無錯，呢幾個模式都無限死設定，大部分都仲可以自己改），獲得一個既明亮又自然的畫面再開始試。不得不講，估唔到 Netflix 4K 串流可以咁清晰，畫面銳利度好好，不過始終經過壓縮，所以灰黑位 noise 會顯得較多。有一定的高動態效果，雖然及唔上 LG 的「HDR 試片」，不過明顯室外的天空、室內的燭火都可以感受到一定「像真」的亮度。而《Marco Polo》都有好多室內昏暗場景，黑位細節都相當豐富，表現相當不錯。
由於硬件上支援高亮度同極暗的黑位，所以 LG 今次亦為 UH9500 幾部新機都加入了一個「HDR 效果」的畫面模式，大家播普通電視、Blu-ray 等 SDR 畫面的時候都可以「增強」做 HDR 畫面，同 4K 增線有少少類似。
再用 Netflix 《夜魔俠》試下「HDR 效果」的效果，提供了高、中、低三個選擇，實際上唔算爭太遠，只係亮度有少許差別。三人聚餐的畫面正好有個室內外場境可以試，開 HDR 之後的確可以進一步推高光位同推暗黑位，而且窗口的細節、人物衫褲等都依然有層次，同夾硬推 contrast 唔同、無死黑死白的情況，效果幾好。唯一係高光位亮度的確光得滯，「硬」咗少少。嫌太光的朋友可以試下調到 HDR 效果「低」，仍然有助提升畫面對比同立體感，不過就會舒服啲，適合較長時間觀看。
大家唔好以為筆者懶，一路用 Netflix 試到尾，其實係因為有 Netflix 4K 同 HDR 可以玩，所以忍唔住用佢試多幾個項目。最後用《白鯨傳奇：怒海之心》Blu-ray 再試一試畫質，4K 增線效果不錯，保持了一貫 LG 自然的畫面效果，細緻度有提升、但又未至於太銳利。原生的專業影院模式顏色同其他設定都已經十分準確，火光位亮度同層次都相當足，暗位細節都保留到。不過礙於面板所限，暗位都係未夠黑，用 HDR 模式會有一定提升，對比加強之餘仍可保留層次，雖然同自家 OLED 仍有距離。
今次用 UH9500 試 Netflix 4K HDR，效果比預期中出色。尤其解像度部分，由於真係原生 4K，即使有壓縮之下畫面仍十分細緻，係 noise 多少少、有輕微油畫感。無論係原生 HDR 定係「HDR 增強模式」都幾實用，前者現時選擇仍然好少，等遲吓正式有 UHD Blu-ray 先可以真正發揮功力；後者可以令畫面對比提升之餘保留層次同細節，相當實用，而且用家仲可以對大部分畫面參數微調，靈活性夠高。
售價：$40,500
查詢：LG（3543 7777）
