完美置入 KALLAX 或 EKET 貯物櫃
IKEA 出埋喇叭?無錯,ENEBY 系列就係 IKEA 最新推出的藍牙喇叭,有 ENEBY 20 同 ENEBY 30 兩個型號,主要係尺寸上不同,分別為 20×20×8cm 以及 30×30×11cm。正面係全方形設計,IKEA 的喇叭當然都好有北歐的簡約風格,全黑色以及白拼灰的網罩選擇,加埋望落去只有右上角一個黑或白色的圓形旋鈕,完全不似喇叭。所以產品拍攝當日攝影師都花了不少時間來估究竟 ENEBY 30 是甚麼?(最後的結論係空氣清新機!)ENEBY 系列除了可以直接座檯使用之外,也可以置於 KALLAX 或者 EKET 貯物櫃當中,完美地融入到 IKEA 家居。另外,用家亦都可以配合另購的托架或者掛牆擺放。