一年一度 8 月的視聽展又同大家見面，今年當然繼續假灣仔會展舉行。講起 AV Show，今年加埋耳機展，真係好多展覽。以為會攤薄了人流？咁就大錯特錯，今年的人潮似乎比起以往幾年仲要厲害，加上幾部大家期待已久的新機有得即場試，可以話到處都係排隊試機的人龍，會場入面由試耳機、試 Hi-Fi 到家庭影院的不同試音室、示範廳都幾乎座無虛席，真正人山人海。
一年一度 8 月的視聽展又同大家見面，今年當然繼續假灣仔會展舉行。講起 AV Show，今年加埋耳機展，真係好多展覽。以為會攤薄了人流？咁就大錯特錯，今年的人潮似乎比起以往幾年仲要厲害，加上幾部大家期待已久的新機有得即場試，可以話到處都係排隊試機的人龍，會場入面由試耳機、試 Hi-Fi 到家庭影院的不同試音室、示範廳都幾乎座無虛席，真正人山人海。
每年 AV Show 都有不少品牌會趁這個時間帶新機同香港的用家見面，今年都不例外。大家期待已久的 Pioneer UDP-LX500 UHD Blu-ray 機今次在主場館的 Asia Theater 展區可以見到，而且最重要係有得「試睇」！據聞新機最快都要下個月先見街，有得率先睇吓效果，機會真係不容錯過。另外，通利琴行今年特別在主會場搭建了影音房，就係為了迎接最新推出嘅 RX-A80 系列 A/V 擴音機。配備了全球首創的 Surround:AI 技術，將人工智能引入到環繞聲效處理當中，Yamaha 的 DSP 一向都備受讚譽，今次再有新突破，到底效果係點？好值得大家現時（排隊）去試睇試聽。
今年 AV Show 格局同往年相似，三樓 Hall 3 係最大的主場館，二樓同四樓就係示範房。主場館最左邊係軟件區，朝早到去邊度最多人？無錯，CD、黑膠、Blu-ray 同 UHD Blu-ray 銷售區就係人流最多的地方之一。中間區域由早幾年開始已經被耳機以及便攜音響佔據，亦都係最多試機位的地區。另外，往年開場之後一兩個鐘主場館外面排隊的人潮都會有少少減退，今年就比較誇張，起碼阿熾行過幾次見到都一直係大排長龍。場館入面當然都人頭湧湧，好似 Sound United 今次擺放的大型示範區，由於係開放式設計所以雖然人流好多，但係起碼仍可以較為鬆動地睇新機、聽示範，二樓同四樓的展房就「十室九 Full」，好多時連影相都無位影。
日期：2018 年 8 月 10 至 12 日（星期五至日）
時間：8 月 10 至 11 日（10:00 - 20:00）、8 月 12 日（10:00 - 18:00）
地點：香港灣仔會議展覽中心
門票：$80（附送 SACD / CD 雙層碟一張）
購票地點：展覽廳 3F 大堂
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
