2016 年 Pioneer 率先推出了兩款全新入門擴音機，VSX-1131 和 VSX-831。當中 VSX-1131 算係「高階入門機」，7.2 聲道設計有齊 Dolby Atmos、DTS:X 同一系列最新的音樂網絡串流功能（部分要六月打後升級）。我哋今次就立即試吓部新機，睇吓究竟音效表現如何、係咪值得玩住等。 【詳盡介紹】Pioneer VSX-1131：最強音樂串流 AV 擴音機
2016 年 Pioneer 率先推出了兩款全新入門擴音機，VSX-1131 和 VSX-831。當中 VSX-1131 算係「高階入門機」，7.2 聲道設計有齊 Dolby Atmos、DTS:X 同一系列最新的音樂網絡串流功能（部分要六月打後升級）。我哋今次就立即試吓部新機，睇吓究竟音效表現如何、係咪值得玩住等。
其實筆者都有唔少朋友用手機聽開 TIDAL，都想响影音系統加埋落去，奈何原生支援 TIDAL 的兩聲道網絡播放器選擇少、價錢貴。Pioneer 新系列會加入呢個功能真係幾實用，有埋 Google Cast 就可以照顧埋 Android 用家，兩個新功能都係年中就會升級，等多兩三個月就有。另一個新功能係 FireConnect multi-room 音樂播放，暫時支援喇叭好少、香港仲未有，未算太實用。其他功能，好似 AirPlay、Spotify、藍牙、DLNA 等都有齊，話佢係現時音樂串流功能最齊的 AV Amp 都不為過。
環繞測試分開了兩部分進行，都是圍繞 Dolby Atmos 5.1.2 做測試，一次用天花喇叭，另一次就用 Dolby Atmos Enabled Speaker。今次新機加入了「反射優化器（Reflex Optimizer）」功能，令 Enabled Speaker 的反射音效同環繞喇叭的直射音效可以配合得更好，事實上定位同聲音結像的確有提升，大概可以做到天花喇叭 7 至 8 成效果。
測試器材
《末日先鋒：戰甲飛車》好適合用來試定位，雖然聲效貌似好亂，其實亂中有序，好考擴音機處理能力，唔少中高階機款表現都未必好好，今次 VSX-1131 算係「越級挑戰」，不過表現就幾有驚喜。試女主角駛入山谷一段，幾次高呼的回音走位都準確而且效果突出，可能因為後置喇叭就返 5.1 擺位稍為高過耳平，天花音效同側面的連貫性比較強，令到個山谷比平時聽開仲闊少少。後面的追逐戰，電單車走位、炸彈爆炸位都夠晒準，表現值得一讚。
今次測試先以 MCACC 自動音場調校功能測一次，再以手動方式微調效果。以 MCACC 調校出來的預設低音輸出會稍稍太低，需要手動推高 4-5dB 量感先比較足夠。睇葉問鬥完兵器再肉摶一段，拳腳聲效有一貫 Pioneer 的特色、相當爽快，力水以入門機來講都算幾足，不過幾下重拳那種質感呈現稍稍不夠強、低頻的密度稍為不夠高。不過格刀一段少了以往 Pioneer 較為刺耳的高頻，聽落比較舒服。
試《加州大地震》開場救援一段，直昇機飛行時的空中定位同樣夠準，引掣聲的低頻相當爽快，不過都係低音密度稍為不足夠。在一片引擎和飛沙走石聲當中呈現人聲，其實幾考功夫。VSX-1131 的中頻一樣是清爽的風格，分析力同還原度好好，有朋友可能嫌人聲唔夠飽滿，筆者自己就十分鍾意這種線條較幼較清的中頻。環境的細節分析力都相當不錯，估唔到入門機可以做到這個程度，只是受到輸出功率同控制力限制，包圍感稍稍不夠強而已。
音效上 VSX-1131 的優點十分明顯，定位準、人聲還原力好、整體分析力不錯，缺點是低頻稍稍不夠埋身、反應夠爽快但包圍感未夠十足，一來是輸出控制力的限制、另外則是 5.1.2 始終正後方容易「斷聲」。功能方面就已經超乎一部入門機所需，特別等年中升級 firmware 之後串流功能極為完善，對又聽歌又睇戲的入門用家來說極之適合。
Pioneer VSX-1131 主要規格：
緊貼最新資訊，請讚好 SPILL Facebook 專頁。
