科幻電影其中一個好熱門的題材，就是氣象異變、滅世天災，《明日之後》、《颶風中心》、《2012》、《加州大地震》等等都好經典。今次《人造天劫》就係用「人工」方式製造「天劫」，海嘯、龍捲風、行雷閃電等等不同氣象都有齊，環繞聲效玩得好過癮。比較可惜係暫時未有 UHD Blu-ray 版，不過 3D 版效果都做得幾好，尤其幾段大場面都好立體、好突出。
科幻電影其中一個好熱門的題材，就是氣象異變、滅世天災，《明日之後》、《颶風中心》、《2012》、《加州大地震》等等都好經典。今次《人造天劫》就係用「人工」方式製造「天劫」，海嘯、龍捲風、行雷閃電等等不同氣象都有齊，環繞聲效玩得好過癮。比較可惜係暫時未有 UHD Blu-ray 版，不過 3D 版效果都做得幾好，尤其幾段大場面都好立體、好突出。
最近不停睇 UHD Blu-ray 影碟，阿熾都有一段時間無睇過 3D Blu-ray，今次《人造天劫》暫時得 3D 雙碟版同普通 Blu-ray 版，正好又試吓 3D 效果。科幻片通常 CG 都好多，《人造天劫》都唔例外，不過「人造場景」的質素就有少少參差，例如海嘯一幕海浪的細節不夠精細，睇得出係 CG 製作；而幾個太空船的場景就做得不錯，尤其 3D 效果好突出，距離感明顯得來又幾自然。全套戲最正應該就係中後段綁架總統，行雷閃電之下的汽車追逐戰，整個畫面雷電交加的效果好震撼，雖然無 HDR，但係用 Sony Z9D 呈現出來的亮度和黑位對比效果都相當出色。另外值得一提的是，今次的「天劫」入面有香港份，仲有吳彥祖出場！雖然未及得上《變形金剛》咁差唔多毀滅成個香港，不過連串氣爆同塌樓畫面都幾有睇頭、幾誇張。
《人造天劫》3D 雙碟裝比較可惜係無 Dolby Atmos 或者 DTS:X 聲軌，不過實際試過 DTS-HD MA 5.1 效果都幾唔錯，尤其寒鋒突然殺到沙灘一幕，浪聲、風聲包圍感同方向感都好突出，而且聲道密度相當高，整個音場好立體，好容易就令人投入。甚至後面用 DTS Neural:X 的 up-mixing 做到幾唔錯的天空聲效，冰封的雀鳥甚至飛機墜落的壓頂感覺都幾明顯，係結像會散少少，始終不是原生的天花聲道，可以有這樣的效果已經算不錯。後段行雷追車一幕，除了畫面之外，聲效仲突出仲正，不斷的雷擊以及最尾的撞車低音都爆得幾爽，用來試機效果都好突出。
電視：Sony Z9D 65 吋
UHD Blu-ray 播放機：OPPO UDP-205
擴音機：Onkyo TX-NR676E
5.1.2 喇叭：B&W 600 S2、Q-Acoustics 7000
電影公司：華納
片種：動作
導演：《天煞地球反擊戰》系列監製 狄恩戴夫林
演員：《戰狼300》謝拉畢拿、《雲圖》占史杜哲斯、艾碧康妮絲、吳彥祖
區域：A
容量：BD50 × 2
視頻壓縮：MVC、AVC
影碟數目：2
解像度（最高）：1080p
語言：英語
音效：英語 DTS-HD Master Audio 5.1、Dolby Digital 5.1
字幕：英文、繁體中文、簡體中文
特別收錄：
影像：彩色
級別：IIA
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
