OPPO 的 Blu-ray 機系列都算係最受鍾意摩改的發燒友歡迎的產品之一，為了滿足發燒友們對聲畫質素的更高要求，繼之前推出的 UDP-203 SE 特別版，OPPO 今次就一口氣推出了 UDP-203、UDP-205 以及 Sonica DAC 的 UE（Ultimate Edition）摩改版本。大家除了可以直接買到新系列之外，現有用家、甚至 UDP-203 SE 版用家，都可以付費升級到 UE 版本，享受到更佳的聲畫質素，而且仲會有返最少一年的原廠保養。
OPPO 的 Blu-ray 機系列都算係最受鍾意摩改的發燒友歡迎的產品之一，為了滿足發燒友們對聲畫質素的更高要求，繼之前推出的 UDP-203 SE 特別版，OPPO 今次就一口氣推出了 UDP-203、UDP-205 以及 Sonica DAC 的 UE（Ultimate Edition）摩改版本。大家除了可以直接買到新系列之外，現有用家、甚至 UDP-203 SE 版用家，都可以付費升級到 UE 版本，享受到更佳的聲畫質素，而且仲會有返最少一年的原廠保養。
今次的 UE 版本入面， UDP-203、 UDP-205 以及 Sonica DAC 的電源部分由插頭、接線、電容到屏蔽等等都各有升級。之前 UDP-203 SE 版主要針對模擬音頻的提升，今次就集中在電源、屏蔽及抗干擾上面，令到數碼輸出進一步優化，連 HDMI 的畫質同音質都會有全面提升。由於今次升級的方式選擇比較多樣化，所以下面就用不同類別的用家來介紹返相應的售價。
如果大家已經買了 UDP-203、 UDP-205 或者 Sonica DAC，可以選擇付費升級到 UE 版本。升級的價錢分別係：
UDP-203 BOA UE Series
$5,299（原機價）+ $2,980（升級費用） = $8,279（UE 版價錢）
UDP-205 BOA UE Series
$12,699（原機價）+ $4,980（升級費用）= $17,679（UE 版價錢）
Sonica DAC Boa UE Series
$6,999（原機價）+ 3,980（升級費用）= $10,979（UE 版價錢）
本身 UDP-203 標準版就已經係一部幾抵玩的 UHD Blu-ray 宇宙盤，如果想再提升質素，但係又覺得升一級到 UDP-205 有少少貴的話，$2,980 改做 UE 版係一個幾唔錯的選擇。而且頭 3 個月購買或升級 BOA UE Series，將可獲贈 MS Power 專為新系列訂製的 1.5 米電源線，本身就價值 $2,980，可以話買條靚線的價錢就可以順便升埋級。保養方面都有優待，如果手上器材只剩下少於一年的保養的話，升級之後就可以補足到一年保養；如果有一年以上保養的話，就維持不變。
如果大家直接買新系列的話，就會係上面提到的「UE 版價錢」，UDP-203 BOA UE 同 UDP-205 BOA UE 同原裝版一樣係 2 年保養、Sonica DAC Boa UE 就係一年保養。買新系列都一樣會送 MS Power 訂製的 1.5 米銠白金 78K 冷凍、內部搭載尼龍空氣線 AirTube 懸浮設計的英式電源線一條（價值 $2,980），亦都可以加 $250 升級做美式插頭版本（價值 $3,480）。
至於之前已經購買了改裝音頻板的 UDP-203 SE 的用家，都可以用 $1,980 的價錢升級埋電源部分。而 UE 版用家，都仲有得改裝音頻板做徹底升級「全改版」，UDP-203 BOA UE 升級價錢為 $980，UDP-205 BOA UE 則為 $3,980。
咁多個版本咪會好混亂？為了方便客戶識別 OPPO BOA UE 全改版，OPPO 在市面上出售的 UE 標準版（只改電源部分）稱為「BOA UE Standard Version」。而客戶再額外付費升級埋模擬音頻板之後的版本就稱為「BOA UE Premium Version」，Premium 版本會在機背條碼左面位置，再貼上一個 BOA UE SERIES 鐳射標貼來識別。
查詢：BO Acoustic（3188 1720）
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
