Sonoro 推出的這款 CD 機連網絡播放器 Masterpiece，德文原名叫做「MEISTERSTÜCK」，正正就是「Masterpiece」傑作的意思。可見雖然係一體機，不過 Sonoro 將新機定位相當高，而事實上 Masterpiece 的功能以一體機來講的確幾齊全同吸引，既可以播到 CD，又支援藍牙 aptX、Wi-Fi，以 Spotify、DLNA 播歌都可以，仲可以支援 Multi-room 功能，至於操控同音質係點？今次就同大家試試。
Sonoro 推出的這款 CD 機連網絡播放器 Masterpiece，德文原名叫做「MEISTERSTÜCK」，正正就是「Masterpiece」傑作的意思。可見雖然係一體機，不過 Sonoro 將新機定位相當高，而事實上 Masterpiece 的功能以一體機來講的確幾齊全同吸引，既可以播到 CD，又支援藍牙 aptX、Wi-Fi，以 Spotify、DLNA 播歌都可以，仲可以支援 Multi-room 功能，至於操控同音質係點？今次就同大家試試。
Masterpiece 除了配備 CD 機功能，可以滿足到仍有聽實體 CD 用家的需要之外，其他無線播歌的「現代化」功能都幾齊全，藍牙支援較好聲的 aptX 規格，通過 LAN 或 Wi-Fi 連接網絡之後，仲支援埋 Internet Radio、Spotify 以及 DLNA、UPnP 的串流播放。另外比較特別係，Masterpiece 提供了 Multi-room 功能，可以配合其他網絡喇叭一齊播歌，而最多就可以連接 5 個兼容設備。至於有線連接方面，機背都設有光纖、Aux 輸入，另外仲有 RCA 同耳機輸出，接駁額外器材都方便。而 USB 端子除了用來播歌之外，仲可以幫手機充電，一路充一路用無線功能播歌都可以。
外形方面 Masterpiece 延續了 Sonoro 一貫復古融合時尚的設計，有少少似傳統收音機，銀色前面板金屬感好強，配合黑色鋼琴面箱身幾型格。雖然係一體機，但 Masterpiece 就已經配備了兩組 0.75 吋高音、兩組 3 吋中音以及一組 5.25 吋低音單元，一體化的機身入面就已經有成 5 組單元，而且每組單元都配備獨立放大組件，提供達 140W 的輸出（10W × 2 + 30W × 2 + 60W）。配合埋 3D Sound 同 Loudness 的 EQ 設定以及 Jass、Rock、Classic、Pop 等等預設，調聲都相當方便。
今次 Masterpiece 主要試藍牙以及網絡串流功能，而家大部分網絡喇叭都會有配套使用的手機 App，今次配合用的就是 UNDOK。連接上同一個網絡之後，UNDOK 就自動認到喇叭，然後就可以選擇訊源，亦都支援控制播放等操作。不過 App 本身就無法設定 Masterpiece 的 EQ、音效等內容，另外亦都播不到本地 NAS 上的音樂。幸好喇叭本身支援 DLNA，可以通過 BubbleUPnP 等第三方 App 來實現 NAS、電腦播歌等方案。支援 16bit/48kHz 的 FLAC、WAV、WMA 等主流音樂格式。
聽 Masterpiece 第一個印象係分析力幾唔錯，即使在藍牙連接之下，聽 Robynn & Kendy〈青春終老〉、吳浩康〈那怕最終一人〉，男女聲的細緻度都幾好，有一定的立體感同結像。EQ 入面的 Loudness 設定建議要開啟，否則音樂會太細聲同焗促。另外 3D 模式好值得一試，市面上常見的「3D 模式」會犧牲好多分析力，而 Masterpiece 在 3D 模式之下，音場包圍感有好大提升，但依然維持到不錯的細緻度，值得一讚。5 組獨立單元同放大電路加持之下，聲音表現好均衡，高音幾甜美、低頻亦都夠力而且幾有彈性，以一體機來說表現不錯，而且以串流方式播歌，比起用藍牙，細緻度會再好一點。
首先要講 Masterpiece 以一體機來講真係幾貴，不過機身用料同設計又的確襯得起這個價錢。音效表現不錯，亦都有不同的 EQ 同 3D 等音樂調聲，加上有齊 CD、藍牙、Wi-Fi 串流等功能，機身的連接擴充性亦都不錯，是一套集齊設計、音效同功能於一身的一體機。
售價：$8,480
查詢：Power Living（2618 5900）
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
