此電郵之前已成功登記!
你已成功訂閱 Spill Paper!
Follow Us

【專訪】Onkyo 與 Pioneer 的互利共生:由一個品牌到兩個品牌的經營之道

2016年08月22日

有留意吓影音產品的用家可能都知道,上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?定係 Pioneer 同 Onkyo 的產品會變得愈來愈似?對原本品牌的生意又有冇影響?種種問題,我哋就找來了 Pioneer & Onkyo Marketing Asia Ltd. 的 Marketing Manager:Maska Leung 同我哋一一分享。

上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?

Pioneer 同 Onkyo 而家的關係?清楚話你知

可能大家同筆者一樣,有時都會混亂,收購?合併?入股?合作?究竟 Pioneer 同 Onkyo 而家係咩關係?Maska 就清晰咁話「Onkyo 是在上年 3 月正式收購了 Pioneer 的部分業務,包括大家最關心的家庭影院、耳機(同埋電話),不過就並不包括車機、TAD 同 DJ 系列。」日本總公司改名為「Onkyo & Pioneer Corporation」,至於香港公司都改名做「Pioneer & Onkyo Marketing Asia Ltd.」,所以有時大家見到 Pioneer XDP-100R 等產品的查詢會係「POMA」,就係新公司名的簡稱。而 POMA 會同時兼顧香港、澳門、部分亞洲地區的 Onkyo 同 Pioneer 業務,包括台灣、星加坡以及馬來西亞等。

經營新品牌的新挑戰:不停的資料搜集

大家都知道 Pioneer 的產品線、產品類型都好多好廣,擴音機、Blu-ray 機、播放器、耳機,講得出都幾乎有,一時之間要接手這樣一個大品牌有冇手忙腳亂?Maska 就話:「的確係幾大的挑戰,當時一知道要接手,就已經不停做資料搜集,Pioneer 當時响市場有咩產品、市場定位、用家群係咩背景、年齡層等等都要了解。」Maska 再補充:「有足夠資料之後,我哋再重新審視品牌,睇吓 Pioneer 要唔要重新定位?然後再決定之後的市場策略。」

上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?
Maska 話接手 Pioneer 的確是相當大的挑戰,初期做了大量的資料搜集來制定各種營銷和宣傳策略。

讓用家親身試 吸納更多年輕族群

成功非僥倖,過往一年 Pioneer 的好多產品,例如 SC-LX89 擴音機、BDP-LX88 Blu-ray 機、XDP-100R DAP 等一系列產品都賣得好好,都要歸功於出色的營銷。Maska 就話:「Pioneer 其實一直都有口碑好好的產品,例如 LD 機、Plasma TV、Blu-ray 機等等,形像已經好入屋,我哋就諗宣傳策略點將一個已經擁有咁好口碑的品牌,配合新產品帶到用家面前。」由於以往用家比較少機會接觸到 Pioneer 產品,所以營銷上除了想吸納更多年輕族群之外,上年開始,POMA 亦舉行了很多試影會、工作坊,讓有興趣的用家可以試玩到 Pioneer 的擴音機等不同產品;而買了機的客人,亦可以認識到更多 Pioneer 新機的設定同功能。

上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?
以 Onkyo DP-X1 同 Pioneer XDP-100R 為例,雖然都係DAP,但部分設計同市場定位都唔同。Onkyo 針對一班已經對音響有認識的用戶,所以設有平衡輸出,Pioneer 則針對更普及的客戶群。

Pioneer 與 Onkyo 的相似與不同

講到 Pioneer 與 Onkyo 有甚麼相似及不同的地方,Maska 就話:「Onkyo 主要集中响家庭影院擴音機同兩聲道產品,Pioneer 則涵蓋更闊的產品線 ,家庭影院擴音機、家庭影院組合、Blu-ray/Network player、酒桶木喇叭、Mini System、耳機等等都有。」整個年度兩個品牌合共推出的產品超過 20 個型號,「呢個行業推出新產品大多集中於 3、4 月開始,可想而知,一到新產品推出時間,Onkyo 同 Pioneer 兩個品牌嘅產品係一個接一個咁推出,公司同事尤其Sales & Marketing 係忙到放假都冇得抖呢。」

上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?
Pioneer 有自家的 MCACC 房間聲學修正技術、Air Studio 認證等獨有功能。

上年 Pioneer 的影音產品代理「變成」了 Onkyo,在產品、宣傳、銷售上面都有不少變化。究竟而家 Pioneer 同 Onkyo 的關係係點?Onkyo 的代理來經營 Pioneer 會為品牌帶來點樣的改變?
Onkyo 亦有 VLSC、AccuEQ 房間聲學修正等獨有技術。

保持各自個性的互利發展

Pioneer 同 Onkyo 「合併」之後,大家最關心的可能係兩者的產品會唔會變到好似、甚至一樣?「兩者產品種類看似相似,但其實用料、設計、技術、價錢,甚至產品市場定位都唔同,兩個品牌都有各自的特性,會互相共享的可能只是 Wi-Fi、AirPlay 等組件和功能吧。」Maska 再補充:「Onkyo 講求聲音平衡,有一直引以為傲的 VLSC、Dynamic Audio Amplification 技術、AccuEQ;Pioneer 有 SABRE 晶片、MCACC 房間聲學修正技術、同埋 Air Studio 認證,擴音機講求聲音爽快得黎有細節,Blu-ray 機可以同時兼顧聽歌同睇戲。加上產品繼續由廠方各自設計研發,以往亦會保持各自的個性。」至於合併之後的得益?Maska 就話:「最直接當然係公司生意上的增長,其次係我哋製定策略時可以互補長短,補充市場上的缺口,從而增加市場佔有率。 」

緊貼最新資訊,請讚好 SPILL Facebook 專頁

你可能感興趣的文章