影音專家、AV Consultant 的負責人 Alan Lee 會同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?

Close
熱門文章
熱門文章
4K TV 入門選購攻略

入門指南

【專家分享】4K 電視選購要注意的 9 大要點

入門指南

4K TV 入門選購攻略

近幾年 4K 電視已經愈來愈普及,今次就帶大家了解一下現時 4K 電視的發展、市面上的新機有甚麼功能以及要注意的規格,還有入門或者升級用家選購時要留意的地方,等大家可以更容易挑選到適合自己的 4K 電視。

Arrow
4

入門指南

【專家分享】4K 電視選購要注意的 9 大要點

【專家分享】4K 電視選購要注意的 9 大要點

上一篇同大家介紹了今年推出的新一代電視的新功能,當中又有沒有甚麼功能吸引到你?除了功能之外,其實選購 4K 電視還有不少需要注意的地方,我們就找來影音專家、AV Consultant 的負責人 Alan Lee 同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?這些疑難都會同大家一一分享。

4K vs Full HD:全高清電視仲值唔得買?

對於仍未升級 4K、又預算有限的朋友來說,最大的問題可能就是:現在還買 Full HD 電視嗎?還是 4K 會好一點?Alan 的意見好直接,就是選 4K TV 比較好。「因為而家 4K 同 Full HD 電視的價錢差唔遠,即使係睇全高清內容,4K TV 配合內置的處理器,通常畫面點都會再清晰一點。」不過 Alan 都補充,如果預算真係好有限的話,都有機會買 Full HD 中階舊機、畫質比起 4K 入門機好一點,不過就要花時間去搵同去比較。

電視有大買大? 視乎 budget 不同揀法

可能不少朋友揀電視都係「有大買大」,budget 許可的話都會買大一點。Alan 都話正常都會這樣揀:「因為電視畫面大一點,睇戲睇電視都會無咁攰、會舒服一點,當然大畫面睇戲都震撼一點。」不過 ,同 4K VS Full HD 的情況類似,如果在有限 budget 之下,尺寸同畫質、功能可能就要平衡一下,「同樣價錢之下有機會買到尺寸細一點,但畫質同功能強一點的機款。」

影音專家、AV Consultant 的負責人 Alan Lee 會同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?

HDR 必需有 試畫質睇「新聞」?

講到市面上平價同貴價的 4K 電視,Alan 就話主要差別在於尺寸、面板(例如 OLED、QLED、LED 等)、圖像處理器、功能等等,價錢貴一點、規格同功能通常好一點。「如果講到有咩係新一代電視一定要好、對用家好重要的話,我自己覺得就係 HDR 同埋網絡功能。」Alan 接著解釋:「HDR 對畫質提升好大,至於各種網絡功能,除了 Netflix、Amazon Video 等可以提供到 4K 內容之外,仲可以利用電視內置播放器睇 NAS 內的影片,用落會方便好多。」

影音專家、AV Consultant 的負責人 Alan Lee 會同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?
現時的 Smart TV 基本上都支援 Netflix、YouTube、Amazon Video 等不同的 4K 串流平台。

影音專家、AV Consultant 的負責人 Alan Lee 會同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?
Apple TV 都已經支援 HDR,Alan 就覺得 HDR 對於新一代電視來說是十分必要的功能,可以大大提升畫質表現。

至於畫質方面,Alan 就話普通用家想判斷畫質,一個比較好的方法就係「睇新聞」。「因為大家都比較常見到新聞、財經報導的畫面,對人面膚色、色彩濃淡、畫面細緻度等都有一定的印象,會比較容易在不同的電視上面區分到畫質的差別。」至於新聞畫面下面的走馬燈字都好有助判斷畫面效果,如果出現唔順暢、窒格好嚴重的話,就證明影像處理表現一般。「因為動態畫面其實比較容易睇得出瑕疵,影像處理能力的高下亦都較為容易判斷。至於黑位就可以睇畫面最暗的位置,睇吓係咪滿意,亦都可以留意牆身、藍天等同一隻顏色、但又有漸變的畫面,睇吓有冇色彩斷層的出現,這些都是較為容易睇得出分別的地方。」

影音專家、AV Consultant 的負責人 Alan Lee 會同大家分享一下,究竟而家買 4K 電視有甚麼地方需要留意、有咩規格同功能一定要有?接駁同安裝有時會遇到甚麼問題、點先可以避免?
通常大家比較睇慣新聞畫面,可以有一個參考的標準,另外下面的走馬燈字體亦都好易睇出畫面有冇窒格的情況。

OLED 畫質優勝 睇預算和使用環境來選擇

對於近期好熱門的 4K OLED 電視,Alan 就話如果 budget 足夠的話當然是現時最好的選擇,畫質方面,尤其是黑位、對比度、可視角度等等比起 LED TV 都有相當優勢。缺點是有機會出現「burn in」的情況,使用壽命上通常及不上 LED TV,所以比較適合影音發燒友或者對畫質有好高要求的用家。「雖然 OLED 電視已經便宜了不少,不過依然比較貴,普通用家如果買部電視想長用的話 4K LED TV 依然係好選擇,尤其近年 LED TV 的畫質都不斷提升。另外,如果使用的環境如果比較光亮的話,LED TV 通常有較高的亮度輸出,亦都可以應付到。」

薄機掛牆要小心 HDMI 線要慎選

至於安裝方面,Alan 就話通常座檯安裝都問題不大,「掛牆就要比較小心,尤其近年電視愈出愈薄,一唔小心有機會扭螺絲扭爆面板,就算只係扭到有輕微變形,長期使用之下都好大機會出問題。」另外,電視接駁方面,Alan 就提醒:「部分電視未必每個 HDMI 都支援 4K HDR,接駁的時候要留意返。另外線材都有影響,尤其是兩、三米以上的長線,要睇吓係咪真 18Gbps,足夠傳輸到 4K HDR 的畫面數據,因為線材不兼容未必立即睇得出來,有時係過到 4K 過不到 HDR,有時係換機先出問題無畫面等等,想穩陣一點的話可以選擇有 18Gbps 認證的線材,會比較有保證。」

4K 電視選購要注意的

9 大要點

1.  OLED vs. LCD

OLED TV 技術開始成熟,而且擁有極為出色的畫質,不過價錢仍然偏貴;LCD/LED 技術更成熟,尺寸、價位的選擇更豐富,使用壽命理論上更長。

2.  支援影像:4K HDR

比起開始 fade out 的全高清電視,更推薦 4K 電視;HDR 也是比較重要的規格,尤其近一兩年入門機都開始支援,所以新一代機款有優勢。

3.  進階 HDR:Dolby Vision 和 HDR 10+ 要二揀一

通常最基本支援 HDR10,大部分會有埋 HLG 方便部分廣播的 HDR 內容;至於 Dolby Vision 同 HDR10+ 就暫時係二揀一,Dolby Vision 內容暫時較多,不過 HDR10+ 兼容 HDR10,有機會後來居上。

4.  進階畫面功能:畫面模式及調校

雖然好多時畫面增強功能係「無好過有、關好過開」,不過部分功能依然幾實用,例如一些 isf、Technicolor 模式,以及更深入的畫面調校功能,等進階用家可以更方便調校出心水畫面。

5.  不同的電視操控體驗

現時幾個主流品牌都採用了不同的電視系統,例如 Sony 的 Android TV、Panasonic 的 Firefox、LG webOS 以及 Samsung Tizen 等等,各自有不同的介面及操控設計。

6.  多媒體功能:串流及本地播放

網絡及多媒體功能方面,主要的串流、影視等功能差別不大,多數新機都已經支援 Netflix、Amazon Video 等平台,亦都支援 NAS 及 USB 連接的影片、音樂及相片等媒體檔案播放。

7.  機身接駁:HDMI 數量及規格、其他端子

入門機有可能只有 3 組 HDMI,中階至高階機款多數都有 4 組,留意是否全部支援 4K/60p、HDR 的影像輸入,要接駁其他舊有器材的話就要留意埋有無色差、RCA 等端子,是否需要轉插等。

8.  擺法及尺寸:座檯 vs. 掛牆

部分高階機款只支援掛牆,部分新機就有新設計的掛牆架。座檯擺放的話就要留意機身同座檯架的尺寸是否擺得落,特別左右兩邊腳架的機款有機會比起電視本身仲要闊。

9.  其他要求:曲面、3D 等等

想試吓曲面電視的話,建議至少要選擇 65 吋或以上的大畫面先至比較有包圍感的效果。3D 現時好多電視都已經不支援,買之前要留意規格或者問清楚。至於遙控作為滑鼠(LG 高階機配備)、安裝 APK(Sony Android TV 支援)等都可以通過配件、Media Player 等加入。

 

 

SPILL Paper 電子通訊,為你送上電郵限定的精選新聞,以及不同欄目的深度報導,評測、觀點、專題,包羅萬有。立即按此訂閱

專題:4K TV 入門選購攻略
Most Recent

最新文章

【評測】YUKIMU PNA-USB01 & PNA-RCA01:訊噪吸收、調聲優化效果立竿見影?
2024年03月18日
延續輕巧繽紛設計 ag COTSUBU MK2 追加 3 種新配色
2024年03月13日
【評測】Shanling ME1000 Majestic:加入靜電的新旗艦
2024年03月13日
【評測】iFi iDSD Diablo 2:由現在玩到未來!超前部署強勁規格、功能、音質
2024年03月08日
【評測|影片】KEF Kube 8 MIE:精巧強勁、配搭靈活!夾 LSX II LT 輕鬆暢玩 2.1
2024年03月05日
Sennheiser MOMENTUM True Wireless 4:音色、音質全面升級
2024年03月05日
《填詞 L》:黃綺琳獻給追夢者的「天真與世故之歌」
2024年03月13日
【評測】Naim Audio Uniti Atom Headphone Edition:不只是書房用,擺放客廳一樣得
2024年03月05日
【評測】Hidizs S9 Pro Plus:比 Pro 再高何止一層
2024年02月27日