此電郵之前已成功登記!
你已成功訂閱 Spill Paper!
Follow Us

【專訪】從暗到明的旅程 Robynn & Kendy:曾經有種好空虛嘅感覺

2019年04月30日

現在很多新碟推出的時候,當中的歌曲早已全數曝光,像 Robynn & Kendy 的新專輯《CURATIONS》,9 首新歌,9 首都是主打歌,而且都在專輯推出市面之前已經派台。作為老樂迷當然不慣,也少了發掘好聽 side tracks 的樂趣,但時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。

時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。

因放負而起

都說了筆者是老樂迷,訪問 Robynn & Kendy 的時候,總是以「新曲加精選」來稱呼這張《CURATIONS》,Robynn 聽到也笑言:「可唔可以唔好咁形容?我好唔想叫佢做精選。」大概是因為,過往一般新曲加精選根本不會有 9 首新歌那麼多,這個數量本來就能獨立成碟了。如今唱片市道持續低迷,「大件夾抵食」似乎仍是個吸引樂迷的好方法,「如果樂迷真係由〈負攝石〉開始聽我哋,都可以透過 CD2 去了解多啲,咁可能都係一件好事嚟嘅。」

一切由〈負攝石〉這首歌說起。那時候,Robynn & Kendy 沉寂了一段時間,因為《中國好聲音》這個節目,她們開啟了國語歌市場,一直忙於到處宣傳、演出,少了在香港露面。「完咗《好聲音》同國語碟嘅所有嘢之後,好似有一種好空虛嘅感覺」,她們覺得身心俱疲,很想靜下來,想想之後的路向。籌備新碟的時候,她們最初也沒有想太多,便以「just for fun」的心態與 T-ma 合寫歌曲,「都唔理係咪似 Robynn & Kendy 嘅作品了」,結果,〈負攝石〉誕生,點到即止的電子元素讓人耳目一新,卻又不失她們原來的 acoustic 清新感覺,「〈負攝石〉kickstart 咗呢隻碟所有嘅嘢。」Robynn 這樣形容。

尋找新聲音

別忘了,國語碟《如果.我不完美》早於 2015 年推出,〈負攝石〉則在 2017 年初派台,2016 年 Robynn & Kendy 完全沒有新作推出,所以當〈負攝石〉正式面世時,她們都有「真係好喇,可以做返廣東歌」的感覺。

她們表示,那靜下來的一年,因為一直在想方向,反而沉澱了下來。「其實我哋一出道就自彈自唱 acoustic 嘢為主,咁經歷咗《好聲音》,再經歷 15 年嘅國語碟之後,就有『跟住落嚟可以點』嘅諗法。於是 17 年開始就 release 咗一啲完全唔係小清新嘅歌,呢隻碟係概括咗我哋點樣尋找一個新嘅聲音,尋找一啲唔同嘅可能,對我哋嚟講都係成長嘅一部分。」

追隨多年的樂迷亦不用擔心,Robynn & Kendy 只是想增加更多音樂上的可能性,不至於要推倒昨日的她們。「啲人可能會仲好掛住以前嘅我哋,但我好希望呢隻碟可以話到畀大家聽,我哋成長咗、多面咗。唔係話之前嘅嘢就抹走咗,就唔做,嗰啲都係我哋好重要嘅部分。」

時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。

不刻意為之

有趣的是,這個蛻變的過程不是刻意追求的,而是很自然便發生了。Kendy 說寫〈負攝石〉的時候,沒有想過要走一個怎樣的路線,「其實都係拎住結他同 producer T-ma 一齊諗,jam 咗一陣跟住就哼吓 melody,我覺得創作過程都係好 organic,覺得呢度可以加呢個聲,嗰度可以咁之類,無諗咁多」,然而這樣卻為 Robynn & Kendy 開啟了一道門,加上外界反應不俗,之後便有更多不同的嘗試。

新碟《CURATIONS》最有趣的地方,就是每首歌背後都有故事可說,就像一件又一件展品。「Curations」是「策展」的意思,意味著當中的展品(歌曲)都是精心挑選,不是「為揀而揀,為擺而擺」,這個大碟標題的構思來自當中一首歌〈未來紀念館〉,歌詞是鼓勵大家,做更多能令自己日後回望會覺得自豪的事情,無論你是誰,都可以有屬於自己的未來紀念館。「我哋隻碟就係我哋個博物館,啲歌就係我哋嘅展品。」

Robynn & Kendy 說,希望大家聽《CURATIONS》時,有如經歷了一個旅程。她們編排曲目的時候,本來只是以音樂的氣氛、風格、連貫性作考慮,卻意外地發現,當中隱含著「步向光明」的感覺。「所以〈負攝石〉同〈明陣〉放喺頭尾係好有意思,〈負攝石〉係無出口、一個發洩嘅狀態,〈明陣〉就講行來行去、兜來兜去,但總有一個出口等緊你。」〈明陣〉放在最尾,也有開展新一頁的意味,儘管曾經迷茫,但最終發現,前面仍有很多可能性。Alex Fung 感覺宏大的編曲,也像在呼應〈負攝石〉的電子元素,「所以我哋覺得呢首歌可以係一個 finale」。

時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。

暗中尋光茫

她們強調,每一首歌都是很自然地誕生出來,沒有太多的計算。譬如寫〈明陣〉時本來是打算寫一首慢歌,卻在製作過程中加入了很多 idea,變成現在大家聽到的模樣,「創作就係咁得意嘅一回事,有時特登計反而唔真誠」,那麼,Robynn & Kendy 這兩年的心態也是從暗黑到漸漸找到光明嗎?「都係,曾經處於一個好 stuck 嘅狀態,依家明白所有嘢都係一個磨練,就算有彎路、有難關,都係個天要你學一樣嘢。」

《CURATIONS》另一個特色,就是找來很多不同的音樂人合作,譬如林家謙、馮穎琪、蘇道哲和 Alex Fung 等,「都想睇吓其他音樂人點睇我哋」。

Robynn 說與馮穎琪合作特別開心,「我哋認識咗 Vicky(馮穎琪)好多年,但未合作過,我覺得一切係有種緣份。本身諗住只係搵佢作曲,但我哋 A&R 覺得呢隻要係完完整整 Vicky Fung 嘅作品,咁啱佢嗰陣睇咗一半書叫《荷光者》,於是就寫咗呢份詞。對我嚟講,係會提醒咗我哋身邊真係有好多伯樂、荷光者,帶咗好多能量、光茫畀我哋。」

時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。

隨心就事成

說起來,這樣邊創作、邊派台的模式,倒成就了《CURATIONS》這張專輯。要不是經過了兩年成長歷程,《CURATIONS》也不會是這個模樣了。「我哋 Robynn & Kendy 嘅事業路說不上好慘乜都無,但亦說不上好順;但如果所有嘢好順,〈負攝石〉、〈世界對我們〉呢啲就唔會存在,我哋就算唱,人哋都唔會有一樣嘅感受。我覺得藝術就係反映我哋經歷嘅所有,而我好慶幸我哋有呢啲經歷,喺做呢隻碟嘅過程當中,搵返個希望。」

問到下一個階段的路會怎麼走時,她們同樣抱著這種隨心的態度,「我覺得有咩諗法都假,做咗出嚟都唔會係我原本嗰個諗法,我覺得隨緣囉,最重要心態上係繼續去、唔放棄。」

最後我問了「例牌」題目:最近在聽甚麼歌。Kendy 答我 John Mayer 和 Honne,因為他們先後來了香港演出,Robynn 則說常聽泰國唱作人 Phum Viphurit,以及內地女 rapper Lexie Liu(劉柏辛)的歌,並表示相信這些風格會成為未來一大趨勢。都和 Robynn & Kendy 的音樂很不一樣啊,將來她們會有這些新嘗試嗎?拭目以待。

時代不同了,似乎也得接受推出專輯不過是一個總結的儀式。《CURATIONS》的總結意味也很濃烈,大碟除了收錄 9 首新歌之外,也包括一張多達 18 首歌的 CD2,就像代表著 Robynn & Kendy 某一個階段的總結。
Robynn & Kendy 的新專輯《CURATIONS》,收錄了〈負攝石〉以來的 9 首派台歌曲,以及多首過往的精選歌曲。

鳴謝場地提供:The AIR(The One)

緊貼最新音樂資訊,請讚好 SPILL 旗下的「Overflow 音樂滿瀉」Facebook 專頁

你可能感興趣的文章