雖然顏色豐富又有燈光效果，不過 JBL JRPOP 真係一隻藍牙喇叭，而且仲有防水設計，試過仲要幾好聲。JBL 近年都推出唔少藍牙喇叭產品，雖然售價相宜，但係表現都好唔錯，之前試過的 JBL Charge 4 好有驚喜，算係同價位最好聲的選擇之一。今次的 JR POP 雖然細隻同平價好多，不過都保持了這個「傳統」，都係估唔到咁好聲，細細隻又防水，幾適合無負擔咁帶去戶外玩時聽歌。
雖然顏色豐富又有燈光效果，不過 JBL JRPOP 真係一隻藍牙喇叭，而且仲有防水設計，試過仲要幾好聲。JBL 近年都推出唔少藍牙喇叭產品，雖然售價相宜，但係表現都好唔錯，之前試過的 JBL Charge 4 好有驚喜，算係同價位最好聲的選擇之一。今次的 JR POP 雖然細隻同平價好多，不過都保持了這個「傳統」，都係估唔到咁好聲，細細隻又防水，幾適合無負擔咁帶去戶外玩時聽歌。
JR POP 有紅、紫、綠、粉紅等顏色選擇，色彩好豐富，而且本身仲有唔同顏色燈光效果，開機之後就有幻彩燈光。採用了藍牙 4.2，充電 2 小時就可以無線播歌 5 小時，雖然唔算超長氣，不過以小型喇叭來說都差不多，一日郊遊、玩水都夠用。本身具備 IPX7 防水設計，適合水上活動使用，亦都配備手帶方便扣在手上、背囊等帶住去玩。
第一次用 JR POP 播歌真係有少少嚇一跳，估唔到有咁大的音量，最重要係仲要幾好聲。雖然數字上只有 3W，不過實際用落好夠聲，就算戶外十人、八人聚會玩都幾夠用。人聲好清、還原度幾唔錯，估唔到 JBL 的調聲在這樣的小型藍牙喇叭上面都見識得到。就算播純音樂都有板有眼，前提係放在比較實淨的地方，例如枱面、櫈面使用，無多餘諧振表現會再好一點，如果吊在背囊聽歌的話低音會稍稍打了折扣。
之前試 Charge 4，防水藍牙喇叭竟然都有少少 Hi-Fi 味，幾驚喜。估唔到今次咁細隻的 JR POP 都好好聲，聲音好清、還原度幾好。雖然音量、音質同前者都無得比，始終體型同價錢都爭一截，不過以這種小型藍牙喇叭來說真係無投訴，加上仲有幻彩燈光，$329 的價錢真係物超所值，係一款好玩又好聲的小型防水喇叭，好適合拎去行山、露營、玩水等場合使用。
售價：$329
查詢：大昌影音（2663 2738）
緊貼最新資訊，請關注 SPILL 的 Facebook 專頁、Instagram 帳戶及 YouTube 頻道。如欲訂閱 SPILL Paper 電子通訊可按這裡。
