近幾年電視技術發展好快，對於無接觸開的朋友來說可能會覺得花多眼亂「跟唔切」，選購的時候無從入手。今次就同大家介紹返而家揀 4K 電視要留意甚麼規格，買新機之後又可以獲得甚麼功能？
近幾年 4K 電視已經愈來愈普及，今次就帶大家了解一下現時 4K 電視的發展、市面上的新機有甚麼功能以及要注意的規格，還有入門或者升級用家選購時要留意的地方，等大家可以更容易挑選到適合自己的 4K 電視。
上一篇同大家分享過 4K 電視的發展以及現時主流的顯示技術，係咪覺得「時日太快」，好似冇耐之前仲係用緊 CRT 電視、Plasma 都只係消失一陣，就已經又 4K、又 HDR、又 OLED？的確近幾年電視技術發展好快，對於無接觸開的朋友來說可能會覺得花多眼亂「跟唔切」、選購的時候無從入手。今次就同大家介紹返而家揀 4K 電視要留意甚麼規格，買新機之後又可以獲得甚麼功能？
講得係 4K 電視，大家買返去當然可以享受到 4K 的超高清畫面。不過「幸福非必然」，起碼對於在 2013、14 年買了 4K 電視的用家，初期其實無咩 4K 內容可以播，多數要靠電視、A/V Amp 或者 Blu-ray 機的 4K 增線來獲得「假 4K」畫面。直到 Netflix 等 4K 串流服務以及 UHD Blu-ray 近兩年開始普及，大家先至真正可以在 4K 電視上面欣賞到 4K 的影視內容。現時香港睇到的 4K 片源選擇已經幾豐富，myTV SUPER、NowTV、Netflix、Amazon Prime Video、iTunes Store 等串流同買片服務，加上仲有大量新推出的 UHD Blu-ray 影碟、熱門新戲基本上都會有 UHD Blu-ray 版，加埋舊有經典電影都不停翻出 4K 版本，所以都已經唔怕無片播。
以前揀電視可能會睇下規格入面的解像度、亮度、對比度等資料作為畫質參考，不過而家落舖或者上網，都已經好少再睇到這些「傳統」規格。主要可能因為新電視都支援 HDR，可以提供更高的亮度、更接近實景的光暗層次，變相亦都令到亮度、對比度等規格變得無太大意義，反而大家要留意電視支援的 HDR 格式。早兩三年推出的入門級 4K 電視有機會並不支援 HDR，近一兩年的機款就多數都已經支援。主流的 HDR 格式除了基本的 HDR10 之外，仲有 4K 廣播會用到的 HLG 格式，另外還有兩款進階 HDR 格式 Dolby Vision 以及 HDR10+，可以提供到更強的 HDR 效果以及更佳畫質。
主流 HDR 格式 |
|
|
HDR10 |
最基本同最普及的 HDR 格式，多數 HDR 的串流影片以及 UHD Blu-ray 影碟都會配備 HDR10。 |
|
HLG（Hybrid Log Gamma） |
由英國 BBC 及日本 NHK 在 2015 年 5 月共同發起的 HDR 格式，可以同時兼容 SDR 顯示器，主要用於 4K 電視廣播。 |
|
Dolby Vision |
由 Dolby Lab 開發的 Dolby Vision 現時可以支援 12bit 色深以及 4,000 流明亮度，影像更可因應不同畫面設定不同的動態範圍。 |
|
HDR10+ |
有 Samsung 及 Panasonic 支持的 HDR10 進化版格式，同樣支援每個場景的獨立動態範圍計算，提供更好的光暗對比效果。 |
至於機身接駁方面，主要仍是採用 HDMI，不過版本就已經有多次升級，而家的新機多數採用 HDMI 2.0a，可以支援到 4K/60P 的 HDR 視訊。入門機有部分會只設有 3 組 HDMI，中、高階機就多數有 4 組，不過也只限於 4 組。所以如果大家有好多器材要接駁的話，依然需要切換器或者 A/V Amp。至於其他接駁端子就愈來愈少，除了遷就電視薄身設計、減省成本等等之外，亦都因為色差、RCA Video、S-Video 等端子已經式微。反而新機多了無線連接功能，可以通過藍牙連接外置喇叭出聲。
網絡多媒體播放功能就由 Full HD 年代的 Smart TV、甚至再早少少的 Internet TV 已經有，不過而家就變得更加多元化，除了可以播放本地 NAS、電腦上的相片、影片、音樂等檔案之外，仲有額外功能，例如將手機畫面鏡像播放，或者掉返轉將電視畫面傳送返手機。
除了提升 4K 畫質之外，近幾年電視廠商都繼續致力改善內置喇叭的聲效。因為薄身的外形而令到電視內置喇叭的設計受到一定限制，所以不同品牌就各施各法。Sony 有 Acoustic Surface 技術讓 OLED 屏幕直接震動輸出中高頻聲效，再配以機背的低音單元發聲，令到畫面同聲效更一致，設計相當獨特。LG 的 W 系列 4K OLED 電視配備了外置的 Dolby Atmos Soundbar、Panasonic 的 EZ1000 和 FZ1000 系列就採用了 Dynamic Blade 設計，以 Soundbar 作為電視底座一部分。值得一提的是 LG 今年的 4K 新電視系列會支援 Dolby Atmos 聲效，除了通過內置喇叭出聲之外，仲可以通過 ARC 功能回傳返 Dolby Atmos 聲效到 A/V Amp 輸出，設計好方便。
上面同大家介紹了一些現時 4K 電視的功能同規格，不過睇圖文又點及得親身試，所以都好建議大家買機之前落舖頭做做功課，同店員親身了解一下電視的功能同規格。以影音連鎖店 AV Life 為例，就係其中一間擁有最新最齊 OLED/QLED 電視機款的專門店，特別大尺寸電視好齊全，想親身試下機的話係唔錯的選擇。
第一間生活影音 AV Life 產品專門店早於 2002 年已經在尖沙咀海港城啟業，至今分店已經遍佈港九新界，包括中環、銅鑼灣、尖沙咀、沙田及荃灣等市中心旺區，無論買機、試機或者查詢都方便就腳。專注於高質素和專業的影音產品售前及售後服務，AV Life 最著重的其中一樣就係電視銷售，所以在 AV Life 門市可以見到現時最齊全的新電視系列，包括 LG、Sony 現時最新一代的 4K OLED TV 和 Samsung QLED TV 等等，要親身試機都係想比較一下相同 budget 之下不同牌子型號電視的功能和畫質，如果舖面擺出來的電視齊全一點，當然就可以容易一點作出比較及選擇。
另外值得一提的是，AV Life 門市也會擺出特大尺寸電視等顧客可以睇吓大畫面的效果。其他影音舖好多時最大都係擺 60 吋、65 吋電視，在 AV Life 門市，70 吋、75 吋的大電視都係「常客」，甚至 80 吋、100 吋的電視都可以在店面試到，等顧客可以親身體驗一下 4K 特大畫面，再進行選購。因為畫面尺寸愈大價錢就愈貴，買之前可以親身睇一睇效果都幾重要，始終無論規格上面介紹有幾強、幾好的技術，都係要眼睇為實，另外就算只係度一度實際尺寸、預一下電視櫃同其他器材擺位都起碼有實物可以參考。
延伸閱讀： |
請讚好 SPILL Facebook 專頁，如想緊貼最新資訊，可於「已讚好 / Liked」選單內點按「搶先看 / See First」。
